കോന്നി : സീതത്തോട്ടിൽ സ്വകാര്യ വാഹനങ്ങൾ ടാക്സി ഓടുന്നത് ടാക്സി വാഹങ്ങളുടെ സർവീസിനെ ബാധിക്കുന്നതായി പരാതി. നിരവധി ആളുകളാണ് ഇവിടെ ടാക്സി ഒടിച്ച് കഴിയുന്നത്. എന്നാൽ യാതൊരു മാനദണ്ഡവും പാലിക്കാതെ സ്വകാര്യ വാഹനങ്ങൾ ഓടിക്കുന്ന സ്ത്രീകൾ അടക്കം ഇവിടെ അനധികൃതമായി ടാക്സി ഓടിക്കുന്നതായി അംഗീകൃത ടാക്സി ഡ്രൈവർമാർ പറയുന്നു. സ്കൂൾ കുട്ടികളെ കയറ്റി കൊണ്ട് പോകണമെങ്കിൽ നിശ്ചിത വർഷത്തെ സർവീസ് നിയമം ആവശ്യപ്പെടുന്നുണ്ട്. എന്നാൽ ഇതൊന്നും വകവെക്കാതെ ആണ് ഇവിടെ സർവീസ് നടത്തുന്നത്. പരിചയ കുറവുള്ള ഡ്രൈവർമാർ ഇത്തരത്തിൽ വാഹനം ഓടിക്കുന്നത് വഴി അപകടങ്ങളും വർദ്ധിക്കുന്നു. സംഭവത്തിൽ പോലീസ്, മോട്ടോർ വാഹന വകുപ്പ് അധികൃതർ നടപടികൾ. സ്വീകരിക്കുന്നില്ലെന്നും ആക്ഷേപം ഉയരുന്നുണ്ട്.
