വെച്ചുച്ചിറ: വെച്ചൂച്ചിറ പഞ്ചായത്ത് ഓഫീസിന് മുന്നിലെ ഓട്ടോറിക്ഷാ സ്റ്റാന്ഡില് കാര് ഇടിച്ചു കയറി നിരവധി പേര്ക്ക് പരിക്ക്. ചന്ത ടൗൺ ഓട്ടോ സ്റ്റാൻഡിൽ ഇന്ന് ഉച്ചയോടെ 12.50ന് ആണ് ഓട്ടോ സ്റ്റാൻഡിൽ പാർക്ക് ചെയ്തിരുന്ന 5 ഓട്ടോ റിക്ഷകളിര് കാര് ഇടിച്ചു കയറിയത്. മന്ദമരുതി സ്വദേശി പാ. എം.എസ് ഫിലിപ്പ് (65) ഓടിച്ചു വന്ന ആള്ട്ടോ കാർ ആണ് നിയന്ത്രണം വിട്ടു ഇടിച്ചു കയറിയത്.
ഓട്ടോ ഡ്രൈവർമാരായ ജോമോൻ, ജെറിൻ, സജി എന്നിവർക്ക് പരുക്ക് പറ്റിയിട്ടുളളതാണ്. ഇവരെ വെച്ചുച്ചിറയിലെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. കാർ ഡ്രൈവർ ആയ ഫിലിപ്പിന് രക്തസമ്മര്ദ്ധം കൂടിയത് കാരണം വാഹനത്തിന്റെ നിയന്ത്രണം വിട്ടതാണ് അപകടകാരണം എന്നു പോലീസ് പറഞ്ഞു. വെച്ചൂച്ചിറ പോലീസ് സ്ഥലത്തെത്തി നടപടികള് സ്വീകരിച്ചു.
