തിരുവല്ല : തിരുവല്ല ടൗണിൽ മഴയെത്തിയാൽ മലിനജലം ഓടകളില്‍ നിന്നും കടകളിലും കയറും. തിരുവല്ല – കുമ്പഴ റോഡിലാണ് വ്യാപാരികളെയും
നാട്ടുകാരെയും ഒരു പോലെ ബുദ്ധിമുട്ടിലാക്കി മലിനജലം കടകളിൽ കയറുന്നത്.
ഓടകൾ കവിഞ്ഞ് ടൗണിലൂടെ വെള്ളത്തിൻ്റെ കുത്തൊഴുക്കാണ് അനുഭവപ്പെടാറുള്ളത്.
മാലിന്യം നിറഞ്ഞ ഓടകൾ കാലാകാലങ്ങളിൽ വൃത്തിയാക്കാത്തതാണ്
വെള്ളം റോഡിലും കടകളിലും കയറാൻ കാരണം. കാറുകൾ അടക്കമുള്ള വാഹനങ്ങൾ കടന്നു പോകുമ്പോൾ ഈ മലിനജലം തെറിക്കുന്നത് മൂലം കാൽനടയാത്രക്കാരും ഏറെ ദുരിതം അനുഭവിക്കുകയാണ്. മാലിന്യം നിറഞ്ഞ ഓടകൾ എത്രയും വേഗം വൃത്തിയാക്കി വെള്ളക്കെട്ടൊഴിവാക്കി ജനങ്ങളുടെ ബുദ്ധിമുട്ട് ഒഴിവാക്കണമെന്നാണ് നാട്ടുകാർ ആവശ്യപ്പെടുന്നത്.
