കൊച്ചി : എസ്.എഫ്.ഐ-കെ.എസ്.യു സംഘര്ഷത്തെ തുടര്ന്ന് എറണാകുളം മഹാരാജാസ് കോളേജും ഹോസ്റ്റലും രണ്ടാഴ്ചത്തേക്ക് അടച്ചിടാന് കൗണ്സില് തീരുമാനിച്ചു. ഇടുക്കി എന്ജിനീയറിങ് കോളേജില് എസ്.എഫ്.ഐ പ്രവര്ത്തകന് ധീരജ് കുത്തേറ്റ് മരിച്ചതിന് പിന്നാലെയാണ് മഹാരാജാസിലും സംഘര്ഷമുണ്ടായത്. സംഘര്ഷത്തില് നിരവധി വിദ്യാര്ഥികള്ക്ക് പരുക്കേറ്റു.
ഇടുക്കി എന്ജിനീയറിങ് കോളേജില് തെരഞ്ഞെടുപ്പിനോടനുബന്ധിച്ചാണ് എസ്.എഫ്.ഐ പ്രവര്ത്തകന് ധീരജ് രാജേന്ദ്രന് കുത്തേറ്റത്. സംഭവത്തില് കെഎസ് യു പ്രവര്ത്തകരെ പോലീസ് അറസ്റ്റ് ചെയ്തു. സംഘര്ഷത്തെ തുടര്ന്ന് ഇടുക്കി എന്ജിനീയറിങ് കോളേജും അനിശ്ചിത കാലത്തേക്ക് അടച്ചു.
