റാന്നി : സംസ്ഥാനത്ത് കഴിഞ്ഞ മൂന്ന് ദിവസമായി തുടരുന്ന ഇ-പോസ് യന്ത്ര തകരാർ മൂലം റേഷൻ വിതരണം നടത്തുവാൻ സാധിക്കാത്ത സാഹചര്യത്തിൽ യന്ത്രം പ്രവർത്തനസജ്ജമാകുന്നതുവരെ റേഷൻ കടകൾ അടച്ചിടാൻ റേഷൻ സംയുക്ത സമരസമിതി തിരുമാനിച്ചു. അധികൃതര് അടിയന്തിരമായി സർവ്വർ തകരാർ പരിഹരിക്കുവാൻ നടപടി സ്വീകരിക്കണമെന്ന് സംയുക്ത സമരസമിതി സംഘടനയായ കെ.എസ്.ആര്.ആര്.ഡി.എ, എ.കെ.എസ്.ആര്.ആര്.ഡി.എ, കെ.ആര്.ഇ.എഫ് ഭാരവാഹികള് അറിയിച്ചു.
