പാലാ : പണയംവെച്ച സ്വര്ണ ഉരുപ്പടികളില് തിരിമറി നടത്തി ഒന്നര കോടിയോളം രൂപ തട്ടിയെടുത്ത കേസില് ഒരാള് അറസ്റ്റില്. തീക്കോയി വേലത്തുശ്ശേരി നോബി നിരപ്പേല് അതുല് നോബിയെയാണ് (25) പാലാ പോലീസ് അറസ്റ്റ് ചെയ്തത്. പാലായിലെ കെ.പി.ബി നിധി ലിമിറ്റഡ് എന്ന സ്ഥാപനത്തില് പണയംവെച്ചിരുന്ന 3693.729 ഗ്രാം സ്വര്ണഉരുപ്പടികള് തിരിമറികള് നടത്തിയെന്നാണ് കേസ്. സ്ഥാപനത്തിന് ഒരുകോടി നാല്പത്താറുലക്ഷം രൂപയുടെ നഷ്ടമാണ് സംഭവിച്ചത്. ഈ കേസിലെ മൂന്നാംപ്രതിയാണ് അതുല്. പ്രതിയെ പാലാ ജുഡീഷ്യല് ഫസ്റ്റ് ക്ലാസ് കോടതിയില് ഹാജരാക്കി റിമാന്ഡ് ചെയ്തു.
