എറണാകുളം: മഹാരാജാസ് കോളജ് വിദ്യാര്ത്ഥിയും എസ്.എഫ്.ഐ സംസ്ഥാന സെക്രട്ടറിയുമായ പി.എം ആര്ഷോ തോറ്റു. എഴുതാത്ത പരീക്ഷ പാസായെന്ന മാര്ക്ക് ലിസ്റ്റ് വിവാദത്തിനൊടുവില് തിരുത്തി. എംഎ ആര്ക്കിയോളജി മൂന്നാം സെമസ്റ്റര് പരീക്ഷയുടെ മാര്ക്ക് ലിസ്റ്റിലാണ് വിഷയങ്ങളും മാര്ക്കും ഇല്ലെങ്കിലും പാസായതായി രേഖപ്പെടുത്തിയത്. മഹാരാജസ് കോളേജിലെ ആര്ക്കിയോളജി ആന്റ് മെറ്റീരിയില് കള്ച്ചറല് സ്റ്റഡീസ് മൂന്നാം സെമസ്റ്റര് പരീക്ഷ മാര്ക്ക് ലിസ്റ്റിലാണ് ഗുരുതര പിഴവ് വന്നത്.
ഇക്കഴിഞ്ഞ മാര്ച്ചിലായിരുന്നു മൂന്നാം സെമസ്റ്റര് ആര്ക്കിയോളജി മാര്ക് ലിസ്റ്റ് പുറത്തുവന്നത്. ഇതില് വിഷയങ്ങളൊന്നും രേഖപ്പെടുത്താതെ ‘പൂജ്യം’ ആണ് മാര്ക്ക് രേഖപ്പെടുത്തിയിരിക്കുന്നത്. എന്നാല് വിജയികളുടെ പട്ടിക പുറത്തുവന്നപ്പോള് അതില് ആര്ഷോയുടെ പേരുമുണ്ടായിരുന്നു.
