കോഴിക്കോട്: ട്രെയിന് തീവെയ്പ്പ് കേസിലെ പ്രതി ഷാറൂഖ് സെയ്ഫിയെ പതിനൊന്നു ദിവസത്തെ പോലീസ് കസ്റ്റഡിയില് വിട്ടു. കോഴിക്കോട് ഒന്നാം ക്ലാസ് ജുഡീഷ്യന് മജിസ്ട്രേറ്റ് കോടതിയിലാണ് പ്രതിയെ ഹാജരാക്കിയത്. കനത്ത സുരക്ഷയിലാണ് പോലീസ് പ്രതിയുമായി കോടതിയിലേക്കെത്തിയത്. പ്രതിയെ കോടതിയില് നിന്നും മാലൂര്ക്കുന്ന് എ ആര് ക്യാമ്പില് എത്തിക്കും. കോഴിക്കോട് സിറ്റി പോലീസ് കമ്മീഷണര് രാജ് പാല്മീണ മാലൂര് ക്യാമ്പിലെത്തിച്ചേര്ന്നിട്ടുണ്ട്. അവിടെവെച്ചാകും ആദ്യം ചോദ്യംചെയ്യുക. അതിന് ശേഷം തെളിവെടുപ്പും നടത്തും. ഇന്നലെ കരള് സംബന്ധമായ അസുഖം കണ്ടതിനെത്തുടര്ന്നാണ് പരിശോധനക്കെത്തിച്ച ഷാറുഖിനെ അഡ്മിറ്റ് ചെയ്തത്.
അതേസമയം ഷാരൂഖ് സെയ്ഫിക്കെതിരെ കൊലക്കുറ്റം ചുമത്തി. ട്രെയിന് തീവെപ്പിനിടെ ട്രാക്കില് വീണുമരിച്ച മൂന്നുപേരുടെ മരണത്തില് പങ്കുണ്ടെന്ന കണ്ടെത്തലിനെ തുടര്ന്നാണ് കൊലക്കുറ്റം ചുമത്തിയിരിക്കുന്നത്. എന്നാല് പ്രതിക്കെതിരെ യു.എ.പി.എ ചുമത്തുന്ന കാര്യത്തില് തീരുമാനമായിട്ടില്ല. കണ്ണൂര് മട്ടന്നൂര് സ്വദേശി റഹ്മത്ത്,സഹോദരിയുടെ മകള് രണ്ടരവയസുകാരി സഹ്റ, കണ്ണൂര് സ്വദേശി നൗഫിക്ക് എന്നിവരാണ് മരിച്ചത്.
