കോഴിക്കോട്: ട്രെയിന് തീവെപ്പ് കേസിലെ പ്രതി ഷാറൂഖ് സെയ്ഫിക്ക് ഗുരുതര ആരോഗ്യപ്രശ്നങ്ങളില്ലെന്ന് കണ്ടെത്തി. എക്സ് റേ, സി ടി സ്കാന് പരിശോധനകളില് പ്രശ്നങ്ങള് കണ്ടെത്തിയില്ലെന്നാണ് വിവരം. മറ്റ് പരിശോധനകള് കോഴിക്കോട് മെഡിക്കല് കോളേജില് ആശുപത്രിയില് തുടരുകയാണ്. മെഡിക്കല് കോളജില് വച്ച് പ്രതിയോട് ഇന്റലിജന്സ് വിവരങ്ങള് ആരാഞ്ഞു. ഷാരൂഖ് സെയ്ഫിനെ ഫൊറന്സിക് വിദഗ്ധരും പരിശോധിക്കുന്നുണ്ട്.
ഇന്ന് രാവിലെ പത്ത് മണിക്കാണ് കേസില് ഷാരൂഖ് സെയ്ഫിയുടെ അറസ്റ്റ് അന്വേഷണ സംഘം രേഖപ്പെടുത്തുന്നത്. ചോദ്യം ചെയ്യല് തുടരും. പ്രതിയെ ഉടന് കോടതിയില് ഹാജരാക്കില്ലെന്നും അന്വേഷണ സംഘം മൊഴി നല്കി. കേസില് പരസ്പരവിരുദ്ധമായിട്ടാണ് പ്രതി ഷാറൂഖ് സെയ്ഫി മൊഴികള് നല്കിയിരിക്കുന്നത്. തനിക്ക് പ്രേരണയായത് മറ്റൊരാള് നല്കിയ ഉപദേശമെന്ന് അറസ്റ്റിലായ ഷാറൂഖ് സെയ്ഫി മഹാരാഷ്ട്രാ എടിഎസിനോട് പറഞ്ഞതെങ്കിലും തന്റെ കുബുദ്ധിയാണ് എല്ലാമെന്നാണ് കേരള പോലീസിനോട് വ്യക്തമാക്കിയത്.
