തിരുവല്ല : പെരിങ്ങരയിലെ സിപിഐഎം നേതാവ് പി ബി സന്ദീപ് കുമാറിൻ്റെ കൊലപാതകത്തിന് പിന്നിൽ രാഷ്ട്രീയ വൈരാഗ്യമാണെന്നും ഇതിലെ ഗൂഢാലോചന സമഗ്ര അന്വേഷണത്തിലൂടെ പുറത്തു കൊണ്ടുവരണമെന്നും സിപിഐഎം കേന്ദ്ര കമ്മറ്റി അംഗം കെ കെ ശൈലജ ടീച്ചർ ആവശ്യപ്പെട്ടു. സന്ദീപിൻ്റെ കുടുംബത്തെ സഹായിക്കാൻ സർക്കാർ തയ്യാറാകണം. ചാത്തങ്കരിയിൽ സന്ദീപിൻ്റെ കുടുംബാംഗങ്ങളെ ബുധനാഴ്ച രാവിലെ ഷൈലജ ടീച്ചർ സന്ദർശിച്ചു.ഭാര്യ സുനിത, അമ്മ ഓമന, അച്ഛൻ ബാലൻ എന്നിവരുമായും അടുത്ത ബന്ധുക്കൾ പാർട്ടി പ്രവർത്തകർ, നാട്ടുകാർ എന്നിവരുമായി വിവരങ്ങൾ ആരാഞ്ഞു.
