പന്തളം : മകരവിളക്ക് ഉത്സവത്തിന് ശബരിമല അയ്യപ്പന് ചാര്ത്താനുള്ള തിരുവാഭരണങ്ങളുമായി പോകുന്ന ഘോഷയാത്രയില് പന്തളം വലിയ തമ്പുരാന് രേവതിനാള് പി.രാമവര്മ്മ രാജയുടെ പ്രതിനിധിയായി സ്രാമ്പിക്കല് കൊട്ടാരത്തില് മൂലം നാള് ശങ്കര് വര്മ്മ പോകാന് തീരുമാനമായി. പന്തളം കൊട്ടാരം നിര്വ്വാഹകസംഘത്തിന്റെ ഭരണസമിതിയാണ് ശങ്കര് വര്മ്മയെ വലിയ തമ്പുരാന്റെ പ്രതിനിധിയായി നിശ്ചയിക്കാന് ശുപാര്ശ ചെയ്തത്. വലിയരാജയുടെ അംഗീകാരത്തോടെയാണ് മൂലംനാള് ശങ്കര് വര്മ്മ ഈ വര്ഷത്തെ രാജപ്രതിനിധിയായി തിരഞ്ഞെടുക്കപ്പെട്ടത്.
പന്തളം ശ്രാമ്പിക്കല് കൊട്ടാരത്തില് തിരുവോണംനാള് അംബതമ്പുരാട്ടിയുടെയും കോട്ടയം കാഞ്ഞിരക്കാട് ഇല്ലത്ത് നാരായണന് നമ്പൂതിരിയുടെയും ഇളയ പുത്രനാണ് നിയുക്ത രാജപ്രതിനിധി.
കേരള സംസ്ഥാന വൈദ്യൂതി ബോര്ഡില് നിന്നു സീനിയര് അസിസ്റ്റന്റ് എക്സിക്യൂട്ടീവ് എഞ്ചിനീയറായി വിരമിച്ച അദ്ദേഹം ഡ്രീം വിന്നേഴ്സ് പ്രൊജക്ട് ആന്റ് സര്വ്വീസസ് പ്രൈവറ്റ് ലിമിറ്റഡിന്റെ എം.ഡി.ആയി പ്രവര്ത്തിക്കുന്നു.
