തിരുവനന്തപുരം : സംസ്ഥാനത്ത് ഷവര്മ വില്പന സ്ഥാപനങ്ങള് മാനദണ്ഡങ്ങള് പാലിക്കുന്നുണ്ടോയെന്ന് അറിയാന് ഭക്ഷ്യസുരക്ഷാ വകുപ്പ് പരിശോധനകള് കര്ശനമായി തുടരുമെന്ന് മന്ത്രി വീണാ ജോര്ജ്. ഒക്ടോബര്, നവംബര് മാസങ്ങളിലായി 942 കടകളില് പരിശോധനകള് നടത്തി. നിലവാരം ഉയര്ത്തുന്നതിനായി 284 സ്ഥാപനങ്ങള്ക്ക് നോട്ടീസ് നല്കിയെന്നും മന്ത്രി അറിയിച്ചു.
സര്ക്കാര് നിര്ദ്ദേശം പാലിക്കാത്ത 168 സ്ഥാപനങ്ങള്ക്ക് പിഴ അടക്കുന്നതിന് നോട്ടീസ് നല്കുകയും 3.43 ലക്ഷം രൂപ പിഴയായി ഈടാക്കുകയും ചെയ്തു. ഷവര്മ വില്പന നടത്തുന്ന സ്ഥാപനങ്ങള് സര്ക്കാര് നിര്ദേശം കര്ശനമായി പാലിക്കണം. അല്ലാത്തവര്ക്കെതിരെ കര്ശന നടപടികള് സ്വീകരിക്കുമെന്നും മന്ത്രി വ്യക്തമാക്കി. സംസ്ഥാനത്ത് ഭക്ഷ്യ സുരക്ഷാ വകുപ്പ് ഷവര്മ മാര്ഗനിര്ദേശങ്ങള് പുറത്തിറക്കിയിരുന്നു.
വൃത്തിഹീനമായ സാഹചര്യത്തില് ഷവര്മ പാകം ചെയ്യുവാനോ വില്ക്കാനോ പാടില്ല. ഷവര്മ തയ്യാറാക്കുന്ന സ്ഥലം, ഉപയോഗിക്കുന്ന ഉപകരണം, വ്യക്തി ശുചിത്വം, ഷവര്മ തയ്യാറാക്കല് എന്നിവ സംബന്ധിച്ചുള്ള വിശദമായ മാര്ഗനിര്ദേശങ്ങളാണ് പുറത്തിറക്കിയത്. എഫ്.എസ്.എസ് ആക്ട് പ്രകാരം ലൈസന്സോ രജിസ്ട്രേഷനോ ഇല്ലാതെ ഒരു വ്യക്തിയും ഏതെങ്കിലും ഭക്ഷ്യ ബിസിനസ് ആരംഭിക്കുകയോ കൊണ്ടുപോകുകയോ ചെയ്യരുതെന്ന് മാര്ഗനിര്ദേശങ്ങളില് പറയുന്നു.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.