റാന്നി : സംരംഭകത്വത്തിലേക്ക് വഴി തുറന്നു വഴികാട്ടി ഷീ റൈസിന്റെ രണ്ടാം ദിനം നടത്തിയ സെമിനാറുകൾ അഡ്വ.പ്രമോദ് നാരായൺ എം.എൽ.എ ഉദ്ഘാടനം ചെയ്തു. സെമിനാര് വനിതകൾക്ക് ഏറെ പ്രയോജനം ചെയ്തു. രാവിലെ കാർഷിക മൂല്യ വർദ്ധിത സാധ്യതകളും വിപണന സംവിധാനങ്ങളും എന്ന വിഷയത്തെ ആസ്പദമാക്കി നടത്തിയ സെമിനാർ കൃഷിവകുപ്പ് പ്രിൻസിപ്പൽ അഗ്രികൾച്ചർ ഓഫീസർ ഷേർലി സക്കറിയ നയിച്ചു. വടശ്ശേരിക്കര സി.ഡി.എസ് ചെയർപേഴ്സൺ ലീലാ ഗംഗാധരൻ അധ്യക്ഷത വഹിച്ചു. ഉച്ചകഴിഞ്ഞ് കേരള ചിക്കൻ സെമിനാർ കേരള ചിക്കൻ അഡ്മിനിസ്ട്രേറ്റർ അനന്ദു മാത്യു ജോർജ്ജ് നയിച്ചു.
വെച്ചൂച്ചിറ സി.ഡി.എസ് ചെയർപേഴ്സൺ മേരിക്കുട്ടി ജോസഫ് അധ്യക്ഷത വഹിച്ചു. കുടുംബശ്രീ ഡി.പി.എം സുഹാന ബീഗം, മീന മേരി മാത്യു, ഡോ. ഷാനവാസ്, ഓമന രാജൻ, ഡോ.എം.എസ് പുണ്യ, വി. വാണി, രാധാ പ്രസന്നൻ, എസ് അജിൻ, എം കെ സ്മിത, ശരികല വേണു എന്നിവർ സംസാരിച്ചു. വെള്ളിയാഴ്ച രാവിലെ 10 ന് ആരംഭിക്കുന്ന വിജയത്തിന്റെ പെൺവഴികൾ എന്ന വിഷയത്തിൽ സെമിനാർ മുതിർന്ന മാധ്യമ പ്രവർത്തക ക്രിസ്റ്റീന ചെറിയാൻ നയിക്കും. പകൽ 11.30 മുതൽ സമൂഹത്തിൽ ഉന്നത വിജയം നേടിയ വനിതകളെ ഫിലിം അവാർഡ് ജേതാവ് കുക്കു പരമേശ്വരൻ നിർവ്വഹിക്കും.
