തൃശ്ശൂർ: നടൻ ഷൈൻ ടോം ചാക്കോയുടെ പിതാവ് സി പി ചാക്കോയുടെ മൃതദേഹം സംസ്കരിച്ചു. ധർമ്മപുരിയിൽ നടന്ന വാഹനാപകടത്തിൽ ആയിരുന്നു മരണം. ഷൈൻ ടോമിനും കുടുംബത്തിനും ആശ്വാസവാക്കുകളുമായി ചലച്ചിത്ര മേഖലയിൽ നിന്നും നിരവധി പേരാണ് എത്തിയത്. സംസ്ഥാന സർക്കാറിന് വേണ്ടി സേവിയർ ചിറ്റിലപ്പള്ളി എംഎൽഎ പുഷ്പചക്രം അർപ്പിച്ചു. തൃശ്ശൂർ മുണ്ടൂരിലെ പരിശുദ്ധ കർമ്മല മാതാ പള്ളിയിൽ ആയിരുന്നു സംസ്കാരം. പിതാവിനെ അവസാനമായി കാണാൻ ചികിത്സയിൽ കഴിയുന്ന ഷൈൻ ടോം ചാക്കോ ആംബുലൻസിലാണ് വീട്ടിലെത്തിയത്. ഷൈൻ ടോമിന്റെ അമ്മ മരിയ കാർമൽ സ്ട്രചറിൽ കിടന്നാണ് അന്ത്യോപചാരമർപ്പിച്ചത്.
ഷൈൻ ടോമിനും കുടുംബത്തിനും ആശ്വാസവാക്കുകളുമായി ചലച്ചിത്ര സാമൂഹിക സാംസ്കാരിക മേഖലയിൽ നിന്നും നിരവധി പേരെത്തി. നടൻ ടോവിനോ തോമസ്, സംവിധായകൻ കമൽ, സാന്ദ്ര തോമസ്, നടൻ സൗബിൻ ഷാഹിർ, ഒമര് ലുലു, ടി ജി രവി, ടിനി ടോം തുടങ്ങിയവർ ആദരാഞ്ജലികൾ അർപ്പിച്ചു. സംസ്ഥാന സർക്കാരിന് വേണ്ടി സേവിയർ ചിറ്റിലപ്പള്ളി എംഎൽഎ പുഷ്പ ചക്രം അർപ്പിച്ചു.
ഷൈൻ ടോമിനും കുടുംബാംഗങ്ങൾക്കും തൃശ്ശൂരിലെ സ്വകാര്യ ആശുപത്രിയിൽ ചികിത്സ തുടരും. കൈക്ക് പരിക്കേറ്റ ഷൈൻ ടോമിനുള്ള ശസ്ത്രക്രിയ ഉടൻ നടത്തും.
