കോഴിക്കൊട് : അടിവാരം തരിയോട്ടുമുക്കില് ഒരു വീടിന് നേരെ വെടിവെയ്പ്പ്. ബുധനാഴ്ച രാത്രി 11 മണിയോടെയാണ് സംഭവം. വീടിന്റെ ചുവരിലും തൂണിലുമാണ് വെടിയുണ്ട പതിച്ചത്. പുത്തന് പുരയില് മണിയുടെ വീടിനാണ് വെടിയുണ്ട തെറിച്ചത്. കാട്ടുപന്നിക്ക് വെച്ച വെടി ഉന്നം തെറ്റി പതിച്ചതെന്ന് സംശയിക്കുന്നു. താമരശ്ശേരി ഡിവൈഎസ്പിയുടെ നേതൃത്വത്തില് സ്ഥലത്ത് പരിശോധന നടത്തി.
തേങ്ങ വീണതാകാം ശബ്ദം എന്ന് കരുതി വീട്ടുകാര് ആദ്യം ശ്രദ്ധിച്ചിരുന്നില്ല. വ്യാഴാഴ്ച് രാവിലെ വീടിന്റെ തൂണില് അടയാളം കണ്ടതോടെ വിവരം പോലീസിനെ അറിയിക്കുകയായിരുന്നു. തൊട്ടടുത്ത പറമ്പില് നടത്തിയ പരിശോധനയില് നാടന് തോക്കില് ഉപയോഗിക്കുന്ന വെടിയുണ്ടയും പന്നിയുടെ കാല്പ്പാടുകളും കണ്ടെത്തിയിട്ടുണ്ട്. പന്നിയെ വെടിവെക്കാന് ആരോ ശ്രമിച്ചതാണെന്നാണ് നിഗമനം.