കുന്നംകുളം : മലങ്കര ഓർത്തഡോക്സ് സുറിയാനി സഭ കുന്നംകുളം ഭദ്രാസനം മാർ ഗ്രിഗോറിയോസ് വിദ്യാർത്ഥി പ്രസ്ഥാനം സീനിയർ ഫോറത്തിന്റെ നേതൃത്വത്തിൽ “ശുബഹോ കോലോ” മ്യൂസിക് കോൺസർട്ടും ക്രിസ്മസ് ആഘോഷവും നടത്തി. വിദ്യാർത്ഥി പ്രസ്ഥാനത്തിന്റെ നേതൃത്വത്തിൽ നിർധനരായ വിദ്യാർത്ഥികളുടെ പഠനസഹായത്തിനായി നടത്തപ്പെടുന്ന “എസ്തീറ” പദ്ധതിയുടെ ഫണ്ട് ശേഖരണത്തിന് വേണ്ടി നടത്തപ്പെട്ട ചടങ്ങിൽ ഫാ. ജോസഫ് ജോൺ സ്വാഗതം അറിയിക്കുകയും ഫാ. ബെഞ്ചമിൻ ഓ ഐ സി അധ്യക്ഷത വഹിക്കുകയും ചെയ്തു.
അധ്യാപികയും എഴുത്തുക്കാരിയുമായ കെ എസ് ശ്രുതി ക്രിസ്മസ് സന്ദേശം നൽകി. ഭദ്രാസന സെക്രട്ടറി ഫാ. സ്റ്റീഫൻ ജോർജ് അനുഗ്രഹ സന്ദേശം നൽകി. കുന്നംകുളം മുനിസിപ്പൽ ചെയർ പേർസൺ സൗമ്യ അനിലൻ മുഖ്യ അഥിതി ആയി. ശുബഹോ കോലോ മ്യൂസിക് കൺസർട്ട് ഫാ. ക്രിസ് സെബിയുടെ നേതൃത്വത്തിൽ നടത്തപ്പെട്ടു.
