ന്യൂയോർക്ക്: ഇന്ത്യന് ബഹിരാകാശ സഞ്ചാരി ശുഭാംശു ശുക്ലയുടെ രാജ്യാന്തര ബഹിരാകാശ നിലയത്തിലേക്കുള്ള യാത്ര വീണ്ടും മാറ്റി. ദൗത്യം ഞായറാഴ്ച നടക്കുമെന്ന് ആക്സിയം സ്പേസ് കമ്പനി അറിയിച്ചു. ദൗത്യത്തില് ശുഭാംശു അടക്കം നാലുപേരാണ് ഭാഗമാകുന്നത്. ദൗത്യം നാളെ നടത്താനാണ് മുന്പ് തീരുമാനിച്ചിരുന്നത്. സാങ്കേതിക കാരണങ്ങളാല് ദൗത്യം വീണ്ടും മാറ്റിവയ്ക്കുകയായിരുന്നു. ഇക്കാര്യം ഐഎസ്ആര്ഒയും സ്ഥിരീകരിച്ചിട്ടുണ്ട്. ഈ മാസം 22ന് ഇന്ത്യന് സമയം ഉച്ചയ്ക്ക് 1:12ന് വിക്ഷേപണം നടക്കുമെന്നാണ് ആക്സിയം സ്പേസ് കമ്പനി വ്യക്തമാക്കിയിരിക്കുന്നത്.
അന്താരാഷ്ട്ര ബഹിരാകാശ നിലയത്തിലെ സ്വെസ്ദ മോഡ്യൂളില് നടന്ന അറ്റകുറ്റ പണികള്ക്ക് ശേഷം നിലയത്തിന്റെ പ്രവര്ത്തനം വിലയിരുത്തുന്നത് തുടരുകയാണ്. ആക്സിയം സ്പേസ്, നാസ, ഐ എസ് ആര് ഒ എന്നിവയുടെ സംയുക്ത ദൗത്യമാണിത്. 31 രാജ്യങ്ങളില് നിന്നായി 60 ശാസ്ത്ര പരീക്ഷണങ്ങള് ആക്സിയം 4 ദൗത്യത്തിന്റെ ഭാഗമാണ്. പരിചയസമ്പന്നയായ പെഗ്ഗി വിറ്റ്സനാണു യാത്രയുടെ കമാന്ഡര്. സ്ലാവോസ് വിസ്നീവ്സ്കി (പോളണ്ട്), ടിബോര് കാപു (ഹംഗറി) എന്നീ 2 യാത്രികരും ഒപ്പമുണ്ട്. 715 കോടി രൂപയാണ് ശുഭാംശുവിന്റെ യാത്രയ്ക്കായി ഇന്ത്യ ചിലവിടുന്നത്.
ഗാന്ധിനഗര്: കഴിഞ്ഞയാഴ്ചത്തെ അപകടത്തിനുശേഷം ആദ്യമായി അഹമ്മദാബാദില്നിന്ന് ലണ്ടനിലേക്ക് പുറപ്പെടാനൊരുങ്ങിയ എയര് ഇന്ത്യയുടെ വിമാനത്തിന് സാങ്കേതിക തകരാര്. ഇതേത്തുടര്ന്ന് വിമാനം ടേക്ക് ഓഫ് ചെയ്തില്ല. ചൊവ്വാഴ്ച ഉച്ചയ്ക്ക് 1.10-നാണ് എഐ 159 പറന്നുയരേണ്ടിയിരുന്നത്. യാത്രക്കാര്ക്ക് ടിക്കറ്റ് തുക റീഫണ്ട് ചെയ്തു നല്കുമെന്ന് എയര് ഇന്ത്യ അധികൃതര് പറഞ്ഞു. ജൂണ് 12-ാം തീയതിയായിരുന്നു രാജ്യത്തെ നടുക്കിയ വിമാനദുരന്തമുണ്ടായത്. എഐ 171 വിമാനമാണ് പറന്നുയര്ന്ന് നിമിഷങ്ങള്ക്കകം തകര്ന്നുവീണത്. വിമാനത്തിലുണ്ടായിരുന്ന 242 പേരില് ഒരാള് മാത്രമേ രക്ഷപ്പെട്ടിരുന്നുള്ളൂ. ഇതുകൂടാതെ വിമാനം തകര്ന്നുവീണ സ്ഥലത്തുണ്ടായിരുന്ന 33 പേര്ക്കും ജീവന് നഷ്ടമായിരുന്നു. അപകടത്തിന് പിന്നാലെ 171 എന്ന ഫ്ളൈറ്റ് നമ്പര് എയര് ഇന്ത്യ ഒഴിവാക്കുകയും അതിന് പകരം എഐ 159 എന്ന നമ്പര് നല്കുകയും ചെയ്തിരുന്നു. അപകടത്തിനുശേഷം അഹമ്മദാബാദിൽ നിന്ന് ലണ്ടനിലേയ്ക്ക് എയർ ഇന്ത്യയുടെ സർവീസ് ഉണ്ടായിരുന്നില്ല.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്ത്തകള് ക്ഷണനേരം കൊണ്ട് ലോഡാകുവാന് ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്. മറ്റു വാര്ത്താ ആപ്പുകളില് നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്ത്തകള് തങ്ങള്ക്കു വേണമെന്ന് ഓരോ വായനക്കാര്ക്കും തീരുമാനിക്കാം. ഒരു ദിവസത്തെ വാര്ത്തകള് മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല് മീഡിയാകളിലേക്ക് വാര്ത്തകള് അതിവേഗം ഷെയര് ചെയ്യാനും സാധിക്കും. അരോചകമായ പരസ്യങ്ങള് ഉണ്ടാകില്ല. ഇന്റര്നെറ്റിന്റെ പോരായ്മകള് ആപ്പിന്റെ പ്രവര്ത്തനത്തെ ബാധിക്കില്ല. തികച്ചും സൌജന്യമായാണ് വാര്ത്തകള് ലഭിക്കുന്നത്
