ന്യൂഡല്ഹി : മാധ്യമ പ്രവര്ത്തകന് സിദ്ദീഖ് കാപ്പന് ജാമ്യം. ഡല്ഹി സുപ്രീം കോടതിയാണ് ജാമ്യം അനുവദിച്ചത്. ഉപാധികളോടെയാണ് ജാമ്യം അനുവദിച്ചത്. കാപ്പന് ആറ് ആഴ്ച ഡല്ഹിയില് തുടരണമെന്നും കോടതി. ആറ് ആഴ്ചകള്ക്ക് ശേഷം കാപ്പന് കേരളത്തിലേക്ക് പോകാമെന്നും സുപ്രീംകോടതി. കാപ്പനെതിരെ കൂട്ട് പ്രതിയുടെ മൊഴിയുണ്ടെന്ന് യുപി സര്ക്കാര് കോടതിയില് വാദിച്ചു. എന്നാല് കൂട്ട് പ്രതിയുടെ മൊഴി വിശ്വസിക്കാനാവില്ലെന്നും കോടതി.
കാപ്പന്റെ ജാമ്യാപേക്ഷ നേരത്തെ അലഹബാദ് ഹൈക്കോടതിയുടെ ലഖ്നൗ ബെഞ്ച് തള്ളിയിരുന്നു. മാധ്യമ പ്രവർത്തകൻ എന്ന നിലയിലാണ് ഹാഥ്റാസിൽ പോയതെന്ന സിദ്ദിഖ് കാപ്പന്റെ വാദം നിലനിൽക്കില്ലെന്ന് വ്യക്തമാക്കിയാണ് ജാമ്യാപേക്ഷ അലഹാബാദ് ഹൈക്കോടതി തള്ളിയത്. കുറ്റപത്രം പരിശോധിക്കുമ്പോൾ ഈ വാദം നിലനിൽക്കില്ലെന്ന് ബോധ്യപ്പെടുന്നതായും ഹൈക്കോടതി വ്യക്തമാക്കിയിരുന്നു.
പിടിയിലായ മറ്റ് പ്രതികൾക്കൊപ്പം സിദ്ദിഖ് കാപ്പൻ പോയത് എന്തിനാണെന്ന് തെളിയിക്കേണ്ടതുണ്ടെന്നും അലഹാബാദ് ഹൈക്കോടതിയുടെ ലഖ്നൗ ബെഞ്ച് നിരീക്ഷിച്ചിരുന്നു. ഹാഥ്റാസിൽ സമാധാനം തകര്ക്കാൻ എത്തി എന്നാരോപിച്ചാണ് 2020 ഒക്ടോബര് 5 ന് സിദ്ദിഖ് കാപ്പൻ ഉൾപ്പെടെയെുള്ളവരെ ഉത്തര്പ്രദേശ് പോലീസ് അറസ്റ്റ് ചെയ്തത്.
