കൊച്ചി : സില്വര്ലൈന് പദ്ധതിക്ക് അനുമതി നല്കിയിട്ടില്ലെന്ന് ആവര്ത്തിച്ച് കേന്ദ്രസര്ക്കാര് ഹൈക്കോടതിയില്. പദ്ധതിയുടെ ആദ്യഘട്ട പ്രവര്ത്തനങ്ങള്ക്ക് മാത്രമാണ് അനുമതി നല്കിയത്. കെ റെയില് കൈമാറിയ ഡിപിആര് അപൂര്ണമാണ്. പദ്ധതിയുടെ സാങ്കേതിക വിശദാംശങ്ങള് ഡിപിആറില് ഉണ്ടായിരുന്നില്ല. ഇവ കൈമാറാന് ആവശ്യപ്പെട്ടിട്ടുണ്ടെന്നും കേന്ദ്ര സര്ക്കാര് ഹൈക്കോടതിയെ അറിയിച്ചു.
സില്വര്ലൈന് സര്വേയ്ക്ക് എതിരെയുള്ള വിവിധ ഹര്ജികളില് ആണ് കേന്ദ്രം മറുപടി നല്കിയത്. സില്വര്ലൈന് സാമൂഹികാഘാത പഠനത്തിന് അനുമതി നല്കിയിട്ടില്ലെന്നും സര്വേയുടെ പേരില് കുറ്റികള് സ്ഥാപിക്കാന് സര്ക്കാരിനോട് ആവശ്യപ്പെട്ടിട്ടില്ലെന്നും കേന്ദ്രം വ്യക്തമാക്കി. സില്വര്ലൈന് പദ്ധതിക്കായി കേന്ദ്ര ധനമന്ത്രാലയം സാമ്പത്തിക അനുമതി നല്കിയിട്ടില്ലെന്നും കോടതിയെ അറിയിച്ചു.
