കണ്ണൂര് : സില്വര് ലൈനിന് കേന്ദ്രം അന്തിമ അനുമതി നല്കിയില്ലെങ്കില് സംസ്ഥാന സര്ക്കാര് വേറെ വഴി നോക്കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. നഷ്ടപരിഹാരം നല്കിയ ശേഷമേ ഭൂമി സര്ക്കാര് ഏറ്റെടുക്കുവെന്നും അദ്ദേഹം പറഞ്ഞു. കെ – റെയില് കല്ലിടലില് അവ്യക്തതയില്ലെന്നും സാമൂഹിക ആഘാത പഠന കല്ലിടലാണ് ഇപ്പോള് നടക്കുന്നതെന്നും കോടിയേരി പറഞ്ഞു. കല്ലിടുന്നത് കെ – റയില് ആണെന്നും റവന്യു വകുപ്പല്ലെന്നും അദ്ദേഹം ചൂണ്ടിക്കാണിച്ചു. അതിനാല് കല്ലിടല് റവന്യൂ വകുപ്പ് അറിയേണ്ടതില്ലെന്നും ഭൂമി ഏറ്റെടുക്കുമ്പോഴാണ് റവന്യൂ വകുപ്പിന് ചുമതലയെന്നും കോടിയേരി വ്യക്തമാക്കി.
