കോട്ടയം : സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ ആരോപണത്തിന് മറുപടിയുമായി എന്എസ്എസ്. സില്വര് ലൈനിന് അനുകൂലമായോ പ്രതികൂലമായോ നിലപാടില്ലെന്ന് എന്എസ്എസ് വ്യക്തമാക്കി. മാടപ്പള്ളി സന്ദര്ശിച്ചത് ചങ്ങനാശ്ശേരിയില് സ്ഥലം നഷ്ടമാകുന്ന ഒരു താലൂക്ക് യൂണിയന് നേതാവാണ്.
ഇദ്ദേഹത്തിന് സന്ദര്ശനത്തിന് അനുമതി നല്കിയത് വ്യക്തിപരമായ കാരണമായതിനാലാണെന്നും എന്എസ്എസ് നേതൃത്വം വ്യക്തമാക്കി. സില്വര് ലൈന് പദ്ധതിക്കെതിരെ ചങ്ങാനാശ്ശേരി കേന്ദ്രീകരിച്ചുള്ള ആസൂത്രിത സമരത്തിനു ശ്രമം നടക്കുകയാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞിരുന്നു. കേന്ദ്രമന്ത്രിക്കൊപ്പം ഒരു സമുദായ നേതാവും മാടപ്പള്ളിയില് സമരത്തിന് എത്തിയിരുന്നുവെന്ന് കോടിയേരി പറഞ്ഞിരുന്നു.
