തിരുവനന്തപുരം : സില്വര് ലൈനില് സംസ്ഥാന സര്ക്കാര് വീണ്ടും കേന്ദ്രാനുമതി തേടി. കേന്ദ്രാനുമതി ആവശ്യപ്പെട്ട് ചീഫ് സെക്രട്ടറി റെയില്വെ ബോര്ഡ് ചെയര്മാന് സര്ക്കാര് കത്ത് നല്കി. ഡിപിആര് സമര്പ്പിച്ച് രണ്ട് വര്ഷം പിന്നിടുന്ന സാഹചര്യത്തില് അനുമതി വേഗത്തിലാക്കണമെന്നാവശ്യപ്പെട്ടാണ് കത്ത് നല്കിയത്. സില്വര് ലൈനിന് കേന്ദ്രാനുമതി നല്കണമെന്ന് ആവശ്യപ്പെട്ട് ഒരാഴ്ച മുന്പ് നല്കിയ കത്തിന് മറുപടി ലഭിച്ചിട്ടില്ല. തൃക്കാക്കര ഉപതെരഞ്ഞെടുപ്പിന് മുന്പാണ് കത്ത് നല്കിയത്. ഈ കത്തിന് കേന്ദ്രസര്ക്കാര് ഇതുവരെ മറുപടി നല്കിയിട്ടില്ല. ഈ സാഹചര്യത്തിലാണ് വീണ്ടും കത്ത് നല്കിയത്. സില്വര് ലൈന് വിഷയത്തില് കേന്ദ്രത്തിന്റെ നിലപാട് അറിഞ്ഞതിന് ശേഷം തുടര്നടപടി സ്വീകരിക്കാമെന്നാണ് സംസ്ഥാനത്തിന്റെ തീരുമാനം.
