പത്തനംതിട്ട : മല്ലപ്പള്ളിയില് ഒഴുക്കില്പ്പെട്ട രണ്ടു യുവാക്കളെ നാട്ടുകാര് സാഹസികമായി രക്ഷപ്പെടുത്തി. മല്ലപ്പള്ളി സ്വദേശികളായ സജി, മനോജ് കുമാര് എന്നിവരാണ് ഒഴുക്കില് പെട്ടത്. വീട് വെള്ളത്തിലായപ്പോള് ഒഴുകിപോയ വീട്ടു സാധനങ്ങള് പിടിക്കാന് പോയ യുവാക്കള് വള്ളം മറിഞ്ഞ് ഒഴുക്കില് പെടുകയായിരുന്നു.
മല്ലപ്പള്ളി തിരുമാലിട ക്ഷേത്രത്തിനു സമീപമായിരുന്നു സംഭവം. മണിമലയാറില് ജലനിരപ്പ് ക്രമാതീതമായി ഉയര്ന്നതോടെയാണ് ഇവരുടെ വീടുകളില് വെള്ളം കയറിയത്. അതേസമയം, സുരക്ഷാ നിര്ദേശങ്ങള് അവഗണിച്ചു യുവാക്കള് ഒഴുക്കില്പ്പെട്ട വീട്ടു സാധനങ്ങള് പിടിക്കാനിറങ്ങിയതിനെതിരെ വിമര്ശനവും ഉയര്ന്നിട്ടുണ്ട്.