ന്യൂഡല്ഹി : ശ്രീനാരായണ ജയന്തി ദിനത്തില് ഗുരുവിനെ അനുസ്മരിച്ച് സിപിഐ എം ജനറല് സെക്രട്ടറി സീതാറാം യെച്ചൂരി. ജാതി–മത–ദേശ കാഴ്ചപ്പാടുകള്ക്ക് അതീതമായ ഗുരുവിന്റെ നവോത്ഥാന ചിന്ത ഇന്നും സമൂഹത്തിന് പ്രചോദനമായി തുടരുകയാണെന്ന് യെച്ചൂരി ട്വീറ്റ് ചെയ്തു.
മതാന്ധതയും വിദ്വേഷവും കടന്നാക്രമണങ്ങളും മുമ്പ് എങ്ങുമില്ലാത്തവിധം രാജ്യത്ത് വളരുമ്പോള് ഗുരു പകര്ന്നു നല്കിയ മനുഷ്യത്വത്തിന്റെ ഏകത്വമെന്ന മഹത്തായ ആശയം നടപ്പില്വരുത്തേണ്ടത് അനിവാര്യതയാണെന്നും അദ്ദേഹം ചൂണ്ടിക്കാട്ടി. 2016ല് എണ്പത്തിമൂന്നാം ശിവഗിരി തീര്ഥാടനത്തില് പങ്കെടുത്തു നടത്തിയ പ്രസംഗവും യെച്ചൂരി അനുസ്മരിച്ചു.