റാന്നി: 91-ാ മത് ശിവഗിരി തീർത്ഥാടനവുമായി ബന്ധപ്പെട്ട് നടത്തപ്പെടുന്ന 40-ാമത് തീർത്ഥാടന പദയാത്രയുടെ വിളംബര ഘോഷയാത്ര റാന്നി യൂണിയനിലെ കുടമുരുട്ടി ശാഖയിൽ നിന്നും ആരംഭിച്ചു. യോഗം റാന്നി യൂണിയന് അഡ്മിനിസ്ട്രറ്റര് മണ്ണടി മോഹന് ഉദ്ഘാടനം ചെയ്തു. ഗുരു ധർമ്മ പ്രചാരണ സഭ റാന്നി മണ്ഡലം പ്രസിഡന്റ് സന്തോഷ് കുമാർ അധ്യക്ഷത വഹിച്ചു. റാന്നി യൂണിയൻ മുൻ പ്രസിഡന്റ് കെ വസന്തകുമാർ മുഖ്യ പ്രഭാഷണം നടത്തി. പദയാത്ര കൺവീനറും ഗുരു ധർമ്മ പ്രചാരണ സഭ ജില്ലാ ജോയിന്റ് സെക്രട്ടറിയുമായ മനുരാജ് തീർത്ഥാടന സന്ദേശം നൽകി.
പദയാത്ര ക്യാപ്റ്റൻ പദ്മകുമാർ, ഗുരു ധർമ്മ പ്രചാരണ സഭ കേന്ദ്ര കമ്മറ്റി അംഗം ബിന്ദു വാസ്തവ, റാന്നി യൂണിയൻ വനിതാ സംഘം ചെയർ പേഴ്സൺ ഇന്ദിര മോഹൻദാസ്, ഗുരു ധർമ്മ പ്രചാരണ സഭ റാന്നി മണ്ഡലം സെക്രട്ടറി മനോജ് കുമാർ, ഗുരു ധർമ്മ പ്രചാരണ സഭ കോന്നി മണ്ഡലം സെക്രട്ടറി വി ജയചന്ദ്രൻ, കുടമുരുട്ടി ശാഖാ പ്രസിഡൻറ് വിനോദ് ഓലിയ്ക്കൽ, സെക്രട്ടറി സതീഷ് എന്നിവർ പ്രസംഗിച്ചു. വിളംബര ഘോഷയാത്ര റാന്നി യൂണിയനിലെ വിവിധ ശാഖായോഗങ്ങളുടെ സ്വീകരണം ഏറ്റുവാങ്ങി പദയാത്ര ആരംഭിക്കുന്ന തെങ്ങുംകാവ് ശാഖയിൽ സമാപിച്ചു.
