സേലം : ത്രിച്ചങ്കോടിനടുത്ത് ആറുവയസ്സുള്ള ബാലികയെ കടത്തിക്കൊണ്ടുപോയി പീഡിപ്പിച്ച തൊഴിലാളിക്ക് കോടതി 20 വർഷം തടവ് വിധിച്ചു. മോടമംഗലം വാൽരാജാ പാളയത്തിലെ ആടുമേയ്ക്കുന്ന തൊഴിലാളി പഴനിസ്വാമിക്കാണ് (67) ശിക്ഷ വിധിച്ചത്. ഇയാൾ 2019 ഫെബ്രുവരി 26 -ാം തീയതി സമീപവാസിയായ ബാലികയെ തട്ടിക്കൊണ്ടുപോയി പീഡിപ്പിച്ചതിനുശേഷം വീട്ടിൽ കൊണ്ടുവിട്ടു. ഇതേക്കുറിച്ച് കുട്ടിയുടെ മാതാപിതാക്കൾ ത്രിച്ചങ്കോട് വനിതാ പോലീസിൽ പരാതി നൽകി. പഴനിസ്വാമി അറസ്റ്റിലാവുകയായിരുന്നു. നാമക്കൽ കോടതി കഴിഞ്ഞദിവസം പഴനിസ്വാമിക്ക് 20 വർഷം തടവും 2,000 രൂപ പിഴയും വിധിച്ചു.
