ആലപ്പുഴ : കായംകുളത്ത് സി.പി.എം നേതാവ് സിയാദ് കൊല്ലപ്പെട്ട സംഭവത്തില് പാര്ട്ടി നേതൃത്വത്തെ തളളി പൊതുമരാമത്ത് വകുപ്പ് മന്ത്രി ജി.സുധാകരന്. കൊലപാതകത്തിന് പിന്നില് കോണ്ഗ്രസിന്റെ ക്വട്ടേഷന് സംഘമാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് നേരത്തെ ആരോപിച്ചിരുന്നു. എന്നാല് സംസ്ഥാന സെക്രട്ടറിയുടെ ഈ വാദം തളളി മാഫിയ സംഘത്തിന്റെ പ്രവര്ത്തനങ്ങള് ചോദ്യം ചെയ്തതിനാണ് സിയാദിനെ വകവരുത്തിയതെന്ന് സുധാകരന് പറഞ്ഞു. പോലീസും രാഷ്ട്രീയ കൊലപാതകമല്ലെന്നാണ് പറയുന്നത്.
അതേസമയം കേസിലെ മുഖ്യപ്രതിയെ സഹായിച്ചതിന് അറസ്റ്റിലായ കോണ്ഗ്രസ് നേതാവ് നിസാമിന് ജാമ്യം കിട്ടിയത് പോലീസിന്റെ വീഴ്ചയാണെന്നും സുധാകരന് പറഞ്ഞു. ഇക്കാര്യം സര്ക്കാര് പരിശോധിക്കണമെന്നും സുധാകരന് ആവശ്യപ്പെട്ടു.
