ചിറ്റാർ : ചിറ്റാറിൽ വനപാലകർ കസ്റ്റഡിയിലെടുക്കുകയും പിന്നിട് കുടപ്പനയിൽ കിണറ്റിനുള്ളിൽ മരിച്ച നിലയിൽ കാണപ്പെടുകയും ചെയ്ത സംഭവത്തിനുത്തരവാദികളായ വനപാലകർക്കെതിരെ കൊലക്കുറ്റത്തിന് കേസടുക്കണമെന്നും മത്തായിയുടെ കുടുബത്തിനു നഷ്ടപരിഹാരം നൽകണമെന്നും ആവശ്യപ്പെട്ട് കഴിഞ്ഞ പതിനെട്ട് ദിവസമായി ചിറ്റാർ ഫോറസ്റ്റ് ഓഫീസിനു മുന്നിൽ നടന്നു വന്ന റിലേ സത്യാഗ്രഹം കേരള ഹൈക്കോടതി സി.ബി.ഐ അന്വേഷണത്തിന് ഉത്തരവിട്ട സാഹചര്യത്തിൽ പിൻവലിക്കുകയാണെന്ന് ഡി.സി. സി പ്രസിഡന്റ് ബാബു ജോർജ്ജ് അറിയിച്ചു.
ഡി.സി.സി നടത്തിയ റിലേ സമരത്തിന്റെ വിജയമാണിത്. മലയോര മേഖലയിലെ ജനരോഷം ഭയന്നും ഹൈക്കോടതിയിൽ നിന്നും പ്രതികൂല പരാമർശം ഉണ്ടായേക്കുമെന്നും കണക്കു കൂട്ടിയാണ് മുഖ്യമന്ത്രി സി.ബി.ഐ അന്വേഷണത്തിനു ശുപാർശ നടത്തിയതെന്നും ബാബു ജോർജ് പറഞ്ഞു.
സി.ബി.ഐ അന്വേഷണത്തെ ഡി.സി.സി സ്വാഗതം ചെയ്യുന്നു. എന്നാൽ നഷ്ടപരിഹാരം ,
ആശ്രിത നിയമം തുടങ്ങിയ കാര്യങ്ങളിൽ സർക്കാർ തീരുമാനം ഉണ്ടായിട്ടില്ല . ഇതും സർക്കാരിന് അംഗീകരിക്കേണ്ടിവരും. ഡി.സി.സിയുടെ നേതൃത്വത്തിൽ നടത്തിയ പ്രക്ഷോഭത്തിന് വൻപിച്ച ബഹുജനപിന്തുണ ലഭിച്ചു. പി.പി. മത്തായിയുടെ കുടുംബത്തിന് നീതി കിട്ടുന്നതുവരെ കോൺഗ്രസ് മുൻപന്തിയിൽ ഉണ്ടാവുമെന്നും ബാബു ജോര്ജ്ജ് പറഞ്ഞു.
പത്തനംതിട്ട ജില്ല കളക്ടറേറ്റിന് മുന്നിൽ ആന്റോ ആന്റണി എം.പി, ഡി.സി.സി പ്രസിഡന്റ് ബാബു ജോർജ്ജ് , കെ.പി.സി.സി ജനറൽ സെക്രട്ടറിമാരായ അഡ്വ.കെ. ശിവദാസൻ നായർ , അഡ്വ.പഴകുളം മധു , എ.ഐ. സി.സി അംഗം മാലേത്ത് സരളാദേവി എന്നിവർ പങ്കെടുത്തു. കെ.പി.സി.സി വൈസ് പ്രസിഡന്റ് പി.സി. വിഷ്ണുനാഥ് സത്യാഗ്രഹികൾക്ക് നാരങ്ങാനീര് നൽകി സമരം അവസാനിപ്പിച്ചു. ചിറ്റാറിൽ നടന്ന റിലേ സത്യാഗ്രഹം സമാപന സമ്മേളനം യു.ഡി.എഫ് നേതാവ് പി.ജെ .ജോസഫ് ഉദ്ഘാടനം ചെയ്തു .
ഡി.സി .സി പ്രസിഡന്റ് ബാബു ജോർജ്ജ് ചടങ്ങിൽ അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറിമാരായ അഡ്വ.വി.ആർ .സോജി , സാമുവൽ കിഴക്കുപുറം , കാട്ടൂർ അബ്ദുൾ സലാം , അഡ്വ.എബ്രഹാം മാത്യു പനച്ചമൂട്ടിൽ , മണ്ഡലം പ്രസിഡന്റ് ബഷീർ വെള്ളത്തറ, വിക്ടർ ടി. തോമസ് , കുഞ്ഞുകോശി പോൾ , സലിം പി. ചാക്കോ ,ഷാജി കുളനട തുടങ്ങിയവർ പ്രസംഗിച്ചു.
https://www.facebook.com/mediapta/videos/3235373439875957/
