ചെങ്ങന്നൂര് : പാറയ്ക്കലിനെ ചെങ്ങന്നൂര് എസ്.എന്.ഡി.പി. യൂണിയന്റെ ആത്മീയ തലസ്ഥാനമായി യൂണിയന് കണ്വീനര് അനില് പി. ശ്രീരംഗം പ്രഖ്യാപിച്ചു. പുണ്യപാറയ്ക്കല് തീര്ത്ഥാടനമായി നാമകരണം ചെയ്ത ഇവിടെ എല്ലാ വര്ഷവും മലയാള മാസം കന്നി ഒന്ന് മുതല് മഹാസമാധി ദിനമായ 5 വരെ വൃതശുദ്ധിയോടു കൂടിയുള്ള തീര്ത്ഥാടനം നടത്തും.
ശ്രീനാരായണ ഗുരുദേവന്റെ പാറയ്ക്കല് സന്ദര്ശനത്തിന്റെ 108-ാമത് വാര്ഷിക ആഘോഷങ്ങള് ചെങ്ങന്നൂര് എസ്.എന്.ഡി.പി. യൂണിയന് ചെയര്മാന് അനില് അമ്പാടി ഉദ്ഘാടനം ചെയ്തു. ചടങ്ങില് യൂണിയന് അഡ് കമ്മിറ്റിയംഗം കെ.ആര്. മോഹനന് ബുധനൂര് അദ്ധ്യക്ഷത വഹിച്ചു. യൂണിയന് അഡ്. കമ്മിറ്റിയംഗം ബി. ജയപ്രകാശ് തൊട്ടാവാടി, പാറയ്ക്കല് ധര്മ്മ സേവാ സംഘം ട്രസ്റ്റ് വൈസ് പ്രസിഡന്റ് സന്തോഷ് കാരയ്ക്കാട്, സെക്രട്ടറി വിജയന് പി.എന്., വൈദീകയോഗം ചെങ്ങന്നൂര് യൂണിയന് പ്രസിഡന്റ് സൈജു ശാന്തി, വൈസ് പ്രസിഡന്റ് സജിത്ത് ശാന്തി, സെക്രട്ടറി ജയദേവന് തന്ത്രികള്, ജോ. സെക്രട്ടറി സതീഷ് ശാന്തി, പാറയ്ക്കല് എസ്.എന്.ഡി.പി. ശാഖാ പ്രസിഡന്റ് ബാബുജി, സെക്രട്ടറി മോഹനന് എന്നിവര് പ്രസംഗിച്ചു.
