കോന്നി: ജാതിചിന്തകളും അനാചാരങ്ങളും അന്ധവിശ്വാസങ്ങളും നിലനിന്നിരുന്ന കേരളത്തെ ഭ്രാന്താലയത്തിൽ നിന്നും ഇന്നത്തെ ആധുനീകകാലത്തേക്ക് മാറ്റിയതിനു പിന്നിൽ ശ്രീനാരായണ ഗുരുദേവന് മുഖ്യ പങ്കാണുള്ളതെന്നും ഗുരുദേവൻ ഇല്ലാതാക്കിയ അനാചാരങ്ങളും അന്ധവിശ്വാസങ്ങളും നരബലിയും ഉൾപ്പടെയുള്ള വിപത്തുക്കൾ സാക്ഷരകേരളത്തിൽ വീണ്ടും അരങ്ങേറുന്നത് ജനങ്ങളിൽ ഭയപ്പാടുകൾ ഉണ്ടാകുന്നതായും സി. കേശവൻ യോഗം ജനറൽ സെക്രട്ടറി ആയിരുന്നപ്പോൾ ഇതിനെതിരെ നടത്തിയ പ്രവർത്തനങ്ങൾ മാതൃകയാണെന്നും എസ് എൻ ഡി പി യോഗം പത്തനംതിട്ട യൂണിയൻ പ്രസിഡന്റ് കെ പത്മകുമാർ പറഞ്ഞു.
അന്ധവിശ്വത്തിനും അനാചാരത്തിനും എതിരെ എസ്.എൻ.ഡി.പി യോഗം വനിതാസംഘം പത്തനംതിട്ട യൂണിയന്റെ നേതൃത്വത്തിലുള്ള പയ്യനാമൺ ശാഖ ആഡിറ്റോറിയത്തിൽ നടത്തിയ ജനജാഗ്രതാ സദസ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വനിതാസംഘം യൂണിയൻ പ്രസിഡന്റ് സുശീലാശശി യോഗത്തിൽ അദ്ധ്യക്ഷത വഹിച്ചു.
യൂണിയൻ സെക്രട്ടറി ഡി അനിൽകുമാർ, യുണിയൻ വൈസ് പ്രസിഡന്റ് സുനിൽ മംഗലത്ത്, യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, യുണിയൻ കൗൺസിൽ അംഗങ്ങളായ പി.കെ.പ്രസന്നകുമാർ, ജി.സോമനാഥൻ ,എസ്.സജിനാഥ്, മൈക്രോ ഫിനാൻസ് യൂണിയൻ കോ ഓർഡിനേറ്റർ കെ.ആർ.സലീലനാഥ്, വനിതാസംഘം യുണിയൻ സെക്രട്ടറി സരളാ പുരുഷോത്തമൻ, അഡ്വ.രജിതാഹരി, രജനി വിദ്യാധരൻ, പുഷ്പാ ഷാജി, എൻ.ജയകുമാർ, അനീഷ് കണ്ണൻമല, പ്രിയാ അനീഷ്, ജയശ്രീസുനിൽ, ദിവ്യ എസ്.എസ് എന്നിവർ സംസാരിച്ചു. സൈക്കോളജിക്കൽ കൗൺസിലർ ഷീന അജി ബോധവത്കരണ ക്ലാസ് നയിച്ചു.