മൈലപ്ര : മാലിന്യ മുക്തം നവകേരളം പദ്ധതിയുടെ ഭാഗമായി മൈലപ്ര മൗണ്ട്ബഥനി ഹയർസെക്കണ്ടറി സ്കൂളിലെ എന്.എസ്.എസ് യൂണിറ്റ് നിർമ്മിച്ച സ്നേഹരാമം നാടിനു സമർപ്പിച്ചു. സപ്തദിന സഹവാസ ക്യാമ്പിൽ ഉൾപ്പെടുത്തി കുമ്പഴ മത്സ്യ മാർക്കറ്റിന് സമീപം നിർമ്മിച്ച സ്നേഹാരാമത്തിന്റെ സമർപ്പണം കോന്നി ബ്ലോക്ക് വികസന കാര്യ സ്റ്റാൻന്റിങ് കമ്മിറ്റി ചെയർപേഴ്സൺ എൽസി ഈശോ നിർവഹിച്ചു. തുടർന്നു നടന്ന പൊതുസമ്മേളനം നഗരസഭാ ചെയർമാൻ അഡ്വ. സക്കീർ ഹുസൈൻ ഉൽഘാടനം ചെയ്തു. പ്രിൻസിപ്പൽ ഫാ. വർഗീസ് പി മാത്യു ആധ്യക്ഷത വഹിച്ചു.
പി റ്റി എ പ്രസിഡന്റ് നെജിം രാജൻ, വൈസ് പ്രിൻസിപ്പൽ ബൈജു മാത്യു, ചിത്രകാരൻ ബിജു സ്മൃതി, എന്നിവർ ആശംസകൾ അർപ്പിച്ചു. വോളന്റിയർ ലീഡേഴ്സ് സിബിൻ, ലക്ഷ്മി മോഹൻ, ക്യാമ്പ് ലീഡേഴ്സ് അശ്വിൻ, ഇഷിത എന്നിവർ സംബന്ധിച്ചു. പ്രോഗ്രാം ഓഫീസർ രാജീവ് പി ജി നന്ദി അറിയിച്ചു. റോഡരികിലെ മാലിന്യങ്ങൾ നീക്കം ചെയ്ത്, രണ്ട് സിമന്റ് ബെഞ്ചുകൾ സഹിതം നിർമിച്ച പൂന്തോട്ടവും വിശ്രമ കേന്ദ്രവും നാട്ടുകാർക്ക് കൗതുകമായി.
