തിരുവനന്തപുരം : സോളാര് പീഡന കേസില് മുന് മുഖ്യമന്ത്രി ഉമ്മന്ചാണ്ടിക്കെതിരെ തെളിവില്ലെന്ന് ക്രൈംബ്രാഞ്ച്. പീഡനം നടന്നുവെന്ന് പരാതിക്കാരി പറയുന്ന ദിവസം അന്നത്തെ മുഖ്യമന്ത്രിയായിരുന്ന ഉമ്മന്ചാണ്ടി ഔദ്യോഗിക വസതിയായ ക്ലിഫ് ഹൗസില് ഇല്ലായിരുന്നു. പരാതിക്കാരി ക്ലിഫ്ഹൗസില് എത്തിയതിന് തെളിവില്ലെന്നും ക്രൈംബ്രാഞ്ച് റിപ്പോര്ട്ടില് പറയുന്നു.
പരാതിക്കാരുടെ മൊഴി പ്രകാരം ഉമ്മന് ചാണ്ടി അടക്കമുള്ള നേതാക്കളെ പ്രതികളാക്കി 2018ലാണ് ക്രൈംബ്രാഞ്ച് കേസ് രജിസ്റ്റര് ചെയ്യുന്നത്. കേസില് രണ്ടര വര്ഷം ക്രൈംബ്രാഞ്ച് അന്വേഷണം നടത്തി. തുടര്ന്ന് പരാതിക്കാരുടെ പരാതിയുടെ അടിസ്ഥാനത്തില് കേസ് സിബിഐയ്ക്ക് കൈമാറുകയായിരുന്നു.
