ഡല്ഹി: കോണ്ഗ്രസിനും രാഹുല് ഗാന്ധിക്കുമെതിരെ ആഞ്ഞടിച്ച് പ്രധാനമന്ത്രി നരേന്ദ്ര മോദി. തന്റെ പ്രതിച്ഛായ തകര്ക്കാന് ചിലര് നിരന്തരം ശ്രമിക്കുന്നുവെന്ന് നരേന്ദ്ര മോദി പറഞ്ഞു. ഇന്ത്യയ്ക്ക് അകത്തും പുറത്തുമുള്ളവരുടെ സഹായം ഇതിന് ലഭിക്കുന്നുണ്ട്. പണം കൊടുത്ത് ആളുകളെ ഇതിനായി ഏര്പ്പെടുത്തുന്നു. മുന് സര്ക്കാരുകള്ക്ക് വോട്ട് ബാങ്കിനെ പ്രീതിപ്പെടുത്തുക മാത്രമായിരുന്നു ലക്ഷ്യം. മുന് സര്ക്കാര് ഒരു കുടുംബത്തിന് മാത്രം പ്രഥമപരിഗണന നല്കിയെന്നും അദ്ദേഹം ആരോപിച്ചു.
2014 മുതല് മോദിയുടെ പ്രതിച്ഛായ തകര്ക്കുക എന്ന ലക്ഷ്യവുമായി ചിലര് പരസ്യമായി രംഗത്തുണ്ട്. ഭോപ്പാല്-ഡല്ഹി വന്ദേ ഭാരത് എക്സ്പ്രസ് ട്രെയിന് ഫ്ലാഗ് ഓഫ് ചെയ്യാന് എത്തിയതായിരുന്നു പ്രധാനമന്ത്രി. ട്രെയിനിന്റെ ഫ്ലാഗ് ഓഫ്, റാണി കമലപതി റെയില്വേ സ്റ്റേഷനില് വെച്ച് പ്രധാന മന്ത്രി നരേന്ദ്രമോദി നിര്വഹിച്ചു. മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്, റെയില്വേ മന്ത്രി അശ്വിനി വൈഷ്ണവ് എന്നിവരും ചടങ്ങില് പങ്കെടുത്തു
