ന്യൂഡൽഹി : കഴിഞ്ഞ ദിവസം തമിഴ്നാട്ടിൽ സൈനിക ഹെലികോപ്റ്റർ തകർന്നുണ്ടായ അപകടത്തിൽ ജീവൻ നഷ്ടപ്പെട്ട ജനറൽ ബിപിൻ റാവത്തിന് ആദരവുമായി സോണിയ ഗാന്ധി. തന്റെ 75ാം പിറന്നാൾ ആഘോഷങ്ങൾ ഒഴിവാക്കിയാണ് സംയുക്ത സൈനിക മേധാവിക്ക് ആദരമർപ്പിക്കുന്നത്. റാവത്തിനോടുള്ള ആദര സൂചകമായി സോണിയ ഗാന്ധിയുടെ ജന്മദിനം ആഘോഷിക്കുന്നതിൽ നിന്ന് വിട്ടുനിൽക്കണമെന്ന് കോൺഗ്രസ് പ്രവർത്തകർക്ക് അറിയിപ്പും നൽകിയതായി എ.ഐ.സി.സി ജനറൽ സെക്രട്ടറി കെ.സി വേണുഗോപാലും അറിയിച്ചു. 1946 ൽ ആണ് സോണിയ ഗാന്ധി ജനിച്ചത്. ഹെലികോപ്റ്റർ അപകടത്തിൽ മരിച്ച ബിപിൻ റാവത്തിന്റെ ഉൾപ്പെടെയുള്ളവരുടെ മൃതദേഹം വ്യാഴാഴ്ച ഡൽഹിയിൽ എത്തിക്കും. വെള്ളിയാഴ്ചയാണ് ഔദ്യോഗിക വസതിയിൽ പൊതുദർശനത്തിന് വെക്കുക.
