പത്തനംതിട്ട : യുദ്ധത്തിൽ ആദ്യം ഇരയാകുന്നത് സ്ത്രീകളും കുട്ടികളും ആണെന്നും ജനസംഖ്യയിൽ പകുതിക്ക് മുകളിൽ സ്ത്രീകൾ ആണെങ്കിലും ദുരിതങ്ങൾ ഏറെയും പതിക്കുന്നത് സ്ത്രീകളുടെ മേൽ ആണെന്നും പ്രൊഫസർ ശ്രീജി ഇന്ദ്രജിത്ത് നാഷണലിസ്റ്റ് മഹിളാ കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ പത്തനംതിട്ടയിൽ നടത്തിയ സൗഹൃദ ജ്വാല തിരി കത്തിച്ചു ഉദ്ഘാടനം ചെയ്യുകയായിരുന്നു അവർ.
പുരുഷനെ പോലെ തന്നെ അവകാശങ്ങളും സ്വാതന്ത്ര്യവും തങ്ങൾക്കുണ്ടെന്ന് ഉദ്ഘോഷിച്ചു കൊണ്ടാണ് ഓരോ വനിതാ ദിനവും കടന്നു പോകുന്നതെന്നും അവർ പറഞ്ഞു. നാഷണലിസ്റ്റ് മഹിളാ കോൺഗ്രസ് ജില്ലാ പ്രസിഡൻറ് ബീന ഷറീഫ് അധ്യക്ഷത വഹിച്ചു. എൻ സി പി ജില്ലാ വൈസ് പ്രസിഡൻറ് എം. മുഹമ്മദ് സാലി മുഖ്യപ്രഭാഷണം നടത്തി. അർച്ചന, തെരേസ ജോർജ്, മാത്തൂർ സുരേഷ്, രാജു ഉള്ളനാട്, റൂബി, ശ്രീകുമാരി , ജാസ്മിൻ, ശ്രീലക്ഷ്മി, ലതിക ശ്രീകുമാർ എന്നിവർ പ്രസംഗിച്ചു .
