തിരുവനന്തപുരം : നിയമസഭയില് പല ചോദ്യങ്ങള്ക്ക് ഒരേ ഉത്തരങ്ങള് നല്കുന്നതിന്റെ പേരില് താന് ആരോഗ്യമന്ത്രിയെ താക്കീത് ചെയ്തുവെന്ന വാര്ത്തകള് തള്ളി സ്പീക്കര് എം.ബി.രാജേഷ്. അത്തരമൊരു സംഭവമുണ്ടായിട്ടില്ല. അംഗങ്ങളുടെ ചോദ്യങ്ങളും ഉപചോദ്യങ്ങളും സമാനമാണെങ്കില് ഒരേ ഉത്തരം നല്കാറുണ്ടെന്നാണ് പുതിയ വിശദീകരണം. കഴിഞ്ഞ ദിവസം ഇക്കാര്യം മനസിലായിരുന്നില്ലെന്ന് സ്പീക്കര് വ്യക്തമാക്കി.
സമാനമായ ചോദ്യങ്ങള്ക്കും ഉപചോദ്യങ്ങള്ക്കും ഒറ്റ ഉത്തരം നല്കാനുള്ള സാഹചര്യം സോഫ്റ്റ് വെയര് തകരാര് മൂലം സാധിച്ചിരുന്നില്ല. അതിനാല് എല്ലാ ചോദ്യത്തിനും ഒരേ ഉത്തരം നല്കുകയായിരുന്നു. ഇതാണ് തെറ്റിദ്ധാരണയ്ക്ക് ഇടയാക്കിയതെന്നും സ്പീക്കര് വിശദീകരിച്ചു.
