തിരുവനന്തപുരം: കഴക്കൂട്ടത്ത് ആംബുലന്സ് നിയന്ത്രണം വിട്ട് മറ്റു വാഹനങ്ങളിലിടിച്ച് മൂന്നുപേര്ക്ക് പരിക്ക്. ഇതില് ഒരാളുടെ നില ഗുരുതരം. തിരുവനന്തപുരം മെഡിക്കല് കോളേജ് ആശുപത്രിയില് നിന്നും രോഗിയുമായി കൊല്ലം ചവറയിലേക്ക് പോവുകയായിരുന്ന ആംബുലന്സ് നിയന്ത്രണം വിട്ട് എതിരെ വന്ന രണ്ടു കാറുകളിലും സ്കൂട്ടറിലും ഇടിച്ചു കയറുകയായിരുന്നു.
സ്കൂട്ടറില് വരികയായിരുന്ന യുവാവ് ആംബുലന്സിനടിയില്പ്പെട്ടാണ് പരിക്കേറ്റത്. ഇയാള്ക്ക് ഗുരുതരമായി പരിക്കേറ്റു. നാട്ടുകാരും പോലീസും ചേര്ന്ന് ഇയാളെ പുറത്തെടുത്ത് തിരുവനന്തപുരം മെഡിക്കല് കോളേജ് ആശുപത്രിയിലെത്തിച്ചു. ആംബുലന്സില് ഉണ്ടായിരുന്ന രണ്ടു സ്ത്രീകള്ക്കും പരിക്കേറ്റു.
