കണ്ണൂര് : ആരു നടത്തിയാലും ക്രിമിനല് പ്രവര്ത്തനങ്ങളെ ക്രിമിനല് പ്രവര്ത്തനങ്ങളായി കണ്ടാല് മതിയെന്നും അതിന്റെ പേരില് അതിഥി തൊഴിലാളികളെ മുഴുവന് വേട്ടയാടരുതെന്ന് സ്പീക്കര് എം.ബി രാജേഷ്. ഒറ്റപ്പെട്ട സംഭവങ്ങളുടെ പേരില് അവരെ ക്രിമിനലുകളായി മുദ്രകുത്തരുതെന്നും സ്പീക്കര് കണ്ണൂരില് പറഞ്ഞു. കഴിഞ്ഞ ദിവസം രാത്രിയില് കിഴക്കമ്പലത്ത് നടന്ന കലാപസമാനമായ സംഭവങ്ങളുടെ പശ്ചാത്തലത്തിലാണ് സ്പീക്കര് മാധ്യമങ്ങളോടു സംസാരിച്ചത്. ക്രിസ്മസ് കരോളിനെ ചൊല്ലിയുണ്ടായ തര്ക്കത്തോടെയാണ് സംഭവങ്ങളുടെ തുടക്കം. തുടര്ന്ന് പരസ്പരം ഏറ്റുമുട്ടല് തുടങ്ങി. പിന്നീടിത് നാട്ടുകാരുടെ നേരെ തിരിഞ്ഞു. നാട്ടുകാര് അറിയിച്ചതനുസരിച്ച് പോലീസെത്തി. കുന്നത്തുനാട് സിഐയും നാലുപോലീസുകാരുമാണ് ആദ്യമെത്തിയത്. പോലീസുകാരെ 50 ലേറെ വരുന്ന തൊഴിലാളികള് ഭീഷണിപ്പെടുത്തി.
ക്രിമിനല് പ്രവര്ത്തനങ്ങളെ അതിന്റെതായ രീതിയില് കാണുക : സ്പീക്കര് എംബി രാജേഷ്
RECENT NEWS
Advertisment