കോഴിക്കോട്: ഭിന്നശേഷിക്കാരിയായ പെണ്കുട്ടിയെ പീഡിപ്പിച്ച കേസില് തേഞ്ഞിപ്പലം ആലുങ്ങല് നടുത്തൊടി ബാബുരാജിനെ (42) കോടതി റിമാന്ഡ് ചെയ്തു. കഴിഞ്ഞ ദിവസം രാത്രിയില് തേഞ്ഞിപ്പലത്ത് നിന്നാണ് ചേവായൂര് പോലീസ് ബാബുരാജിനെ പിടികൂടിയത്.
ഡിസംബര് എട്ടിന് കാണാതായ പെണ്കുട്ടിയെ എല്.ഐ.സിക്കു സമീപത്തുനിന്ന് പരിചയപ്പെട്ട ബാബുരാജ് യൂണിവേഴ്സിറ്റി കാമ്പസില് കൊണ്ടുപോയി പീഡിപ്പിച്ച ശേഷം സുഹൃത്തുക്കളെ കൂടി വിളിച്ചുവരുത്തുന്നതിനിടെ കുട്ടി രക്ഷപ്പെടുകയായിരുന്നുവെന്ന് പോലീസ് പറഞ്ഞു. റോഡിലെത്തിയ കുട്ടിയെ കണ്ട ഓട്ടോ ഡ്രൈവര് തേഞ്ഞിപ്പലം പൊലീസ് സ്റ്റേഷനില് എത്തിക്കുകയായിരുന്നു.
തേഞ്ഞിപ്പലത്തുനിന്ന് ചേവായൂര് പോലീസിനെ അറിയിച്ചു. തുടര്ന്ന് പൊലീസ് കുട്ടിയെ ഷോര്ട്ട് സ്റ്റേ ഹോമിലേക്ക് മാറ്റി. തുടര്ന്ന് നടത്തിയ അന്വേഷണത്തില് പോലീസ് സി.സി.ടി.വി ദൃശ്യങ്ങള് പരിശോധിച്ചു. ഇതില് നിന്ന് ലഭിച്ച ഫോട്ടോ പോലീസ് സമൂഹമാധ്യമങ്ങള് വഴി പ്രചരിപ്പിച്ചതോടെയാണ് ബാബുരാജിനെ കണ്ടെത്താനായത്. സ്റ്റേഷന് ഇന്സ്പെക്ടര് ടി.പി. ശ്രീജിത്തിന്റെ നേതൃത്വത്തില് എസ്.ഐ രഘുനാഥ്, സീനിയര് സി.പി.ഒ ഷാജി പാലേരി, സി.പി.ഒ രമേഷ് എന്നിവരാണ് സംഘത്തിലുണ്ടായിരുന്നത്.