ന്യൂയോര്‍ക്ക്: ആഗോളതലത്തില്‍ കൊറോണ വൈറസ് രോഗ ബാധിതരുടെ എണ്ണം കുത്തനെ ഉയരുന്നു. ആകെ കൊവിഡ് ബാധിതരുടെ എണ്ണം 9,8034,022 ആയി ഉയര്‍ന്നു. കൊറോണ വൈറസ് രോഗമുക്തി നേടിയവരുടെ എണ്ണം ഏഴ് കോടി കടന്നിരിക്കുന്നു. 20,97,776 പേര്‍ കൊറോണ വൈറസ് രോഗം ബാധിച്ചു മരിച്ചു.
അമേരിക്ക, ഇന്ത്യ, ബ്രസീല്‍,റഷ്യ, ബ്രിട്ടന്‍ എന്നീ രാജ്യങ്ങളാണ് രോഗികളുടെ എണ്ണത്തില്‍ ആദ്യത്തെ അഞ്ച് സ്ഥാനങ്ങളിലുളളത്. അമേരിക്കയില്‍ രോഗബാധിതരുടെ എണ്ണം രണ്ടര കോടി കടന്നിരിക്കുന്നു. ഒന്നരലക്ഷത്തിലധികം പുതിയ കോവിഡ് കേസുകള്‍ റിപ്പോര്‍ട്ട് ചെയ്തിരിക്കുന്നു. 4.19 ലക്ഷം പേര്‍ മരിച്ചു. ഒന്നര കോടിയോളം പേരാണ് രോഗമുക്തി നേടിയിരിക്കുന്നത്.
ഇന്ത്യയില്‍ കഴിഞ്ഞ ദിവസം 13,000ത്തിലധികം പേര്‍ക്കാണ് കൊറോണ വൈറസ് സ്ഥിരീകരിച്ചത്. 1,06,25,420 രോഗബാധിതരാണ് ഉളളത്. നിലവില്‍ 1.90ലക്ഷം പേര്‍ മാത്രമേ ചികിത്സയിലുളളൂ. 1,02,81,391 പേര്‍ രോഗമുക്തി നേടി. 1.53 ലക്ഷം പേര്‍ മരിച്ചു.ബ്രസീലില്‍ എണ്‍പത്തിയാറ് ലക്ഷം രോഗബാധിതരാണ് ഉളളത്.
2.14 ലക്ഷം പേര്‍ മരിച്ചു. റഷ്യയില്‍ മുപ്പത്തിയാറ് ലക്ഷം പേര്‍ക്കും, ബ്രിട്ടനില്‍ മുപ്പത്തിയഞ്ച് ലക്ഷം പേര്‍ക്കുമാണ് കൊവിഡ് സ്ഥിരീകരിച്ചത്. ബ്രിട്ടനില്‍ കഴിഞ്ഞ ദിവസം മുപ്പത്തിയേഴായിരത്തിലധികം പുതിയ കേസുകളാണ് റിപ്പോര്‍ട്ട് ചെയ്‌തത്.
