പത്തനംതിട്ട: ജില്ലാ സ്പോർട്സ് കൗൺസിലിൻ്റെ കീഴിൽ പ്രവർത്തിച്ചു വരുന്ന അക്കാഡമികളിലെ കായികതാരങ്ങൾക്ക് സ്പോർട്സ് കിറ്റുകൾ വിതരണം ചെയ്തു. ജില്ലാ സ്പോർട്സ് കൗൺസിൽ പ്രസിഡണ്ട് കെ അനിൽകുമാറും കേരള സ്റ്റേറ്റ് സ്പോർട്സ് കൗൺസിൽ നോമിനി ഡോ.ബിബിൻ ജിയും ചേർന്നാണ് കിറ്റുകൾ വിതരണം ചെയ്തത്. ഉദ്ഘാടന ചടങ്ങിൽ ജില്ലാ സ്പോർട്സ് കൗൺസിൽ സെക്രട്ടറി രാജേന്ദ്രൻ നായർ എസ് ,സി ഡി മോഹൻ ദാസ്, സ്പോർട്സ് കൗൺസിൽ എക്സിക്യൂട്ടീവ് അംഗങ്ങളായ ഡോ. റജിനോൾഡ് വർഗീസ്, പി.ആർ ഗിരീഷ്, ആർ പ്രസന്നകുമാർ , വോളീബോൾ പരിശീലകൻ തങ്കച്ചൻ പി ജോസ്ഥ് എന്നിവർ പ്രസംഗിച്ചു.
