ന്യൂഡല്ഹി: ശ്രീ പത്മനാഭ സ്വാമി ക്ഷേത്ര കേസില് സുപ്രിം കോടതി തിങ്കളാഴ്ച വിധി പറയും. ക്ഷേത്രം സര്ക്കാര് ഏറ്റെടുക്കണമെന്ന ഹൈക്കോടതി വിധിക്കെതിരേ തിരുവിതാംകൂര് രാജകുടുംബം നല്കിയ ഹര്ജിയാണ് സുപ്രിം കോടതി പരിഗണിച്ചത്.
തിരുവിതാംകൂറിലെ അവസാനത്തെ രാജാവിന് ശേഷമുള്ള ഭരണാധികാരി സംസ്ഥാന സര്ക്കാരാണെന്നും ക്ഷേത്രം രാജാവിന്റെ അനന്തരാവകാശിക്ക് കൈമാറാന് വ്യവസ്ഥയില്ലാത്തതിനാല് അത് സര്ക്കാരില് നിക്ഷിപ്തമാക്കുമെന്നും 2011 ജനുവരി 31ലെ വിധിയില് ഹൈക്കോടതി വ്യക്തമാക്കിയിരുന്നു. ഇതിനെതിരെയാണ് ഹര്ജിക്കാര് സുപ്രിം കോടതിയെ സമീപിച്ചത്.
