തിരുവനന്തപുരം: തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീന്റെ ഓഫീസിലെ എട്ട് ജീവനക്കാര്ക്ക് കൊവിഡ് സ്ഥിരീകരിച്ചു. ഇന്ന് നടത്തിയ പരിശോധനയിലാണ് രോഗബാധ കണ്ടെത്തിയത്. ജീവനക്കാര്ക്ക് രോഗം സ്ഥിരീകരിച്ച പശ്ചാത്തലത്തില് മന്ത്രി നിരീക്ഷണത്തിലായി. അദ്ദേഹത്തിന്റെ ഓഫീസിലെ മുഴുവന് ജീവനക്കാരും നിരീക്ഷണത്തില് പോയതായാണ് വിവരം. മന്ത്രിയ്ക്ക് കൊവിഡ് പരിശോധന നടത്തും. ഇതോടെ സെക്രട്ടറിയേറ്റില് അനക്സ് ഒന്നിലെ അഞ്ചാം നില അടച്ചു.
സംസ്ഥാനത്ത് വരുന്ന ഒരാഴ്ച കൊവിഡ് വ്യാപനം മൂര്ദ്ധന്യത്തിലെത്തുമെന്നാണ് ആരോഗ്യവകുപ്പിന്റെ വിലയിരുത്തല്. 10 ദിവസത്തിനിടെ 120 പേരുടെ മരണം ഔദ്യോഗികമായി സ്ഥിരീകരിച്ചു. ഏറ്റവും ഉയര്ന്ന പ്രതിദിന വര്ദ്ധനവാണ് സംസ്ഥാനത്ത് ഇന്നലെ രേഖപ്പെടുത്തിയത്. 2375 പേര്ക്ക് കൊവിഡ് ബാധിച്ചതില് 90 ശതമാനം പേര്ക്കും സമ്പര്ക്കത്തിലൂടെയാണ് രോഗബാധ.
