പത്തനംതിട്ട : ലോകത്തിലെ വലിയ കായിക വിനോദങ്ങളിലൊന്നായി വോളിബോൾ മാറി കഴിഞ്ഞെന്നു ആന്റോ ആന്റണി എം. പി. ഗ്രാമീണ മേഖലയിൽ ആവശ്യമായ പ്രോൽസാഹനം നൽകണമെന്നും ആദ്യ കാലങ്ങളിൽ അമേരിക്കൻ ഐക്യനാടുകളിൽ കളിച്ചു തുടങ്ങിയ വോളിബോൾ ഇന്ന് ലോകത്താകമാനം 800 ദശലക്ഷം ജനങ്ങളുടെ ഇഷ്ടകായിക വിനോദമായി മാറി കഴിഞ്ഞതായി അദ്ദേഹം പറഞ്ഞു.
50-ാമത് സംസ്ഥാന ജൂനിയർ ചാമ്പ്യൻഷിപ്പ് സംഘാടകസമിതി സമിതി ഓഫീസ് ഉദ്ഘാടനം നിർവഹിച്ച് സംസാരിക്കുകയായിരുന്നു ആന്റോ ആന്റണി എം.പി. സംഘാടകസമിതി സമിതി വർക്കിംഗ് ചെയർമാൻ ജോഷ്വാ മാത്യുവിന്റെ അധ്യക്ഷതയിൽ യു.ഡി.എഫ്. പാർലമെന്ററി പാർട്ടി ലീഡർ കെ. ജാസിംകുട്ടി, കടമ്മനിട്ട കരുണാകരൻ, പി.കെ. ജേക്കബ്, സലിം പി. ചാക്കോ, ജോർജ് ഫിലിപ്പ്, കെ. അഷറഫ്, അഡ്വ. വി. രാജേഷ്, അനിൽ ചൈത്രം, സുധീർ പി.എസ്, മോഹന തോണിക്കടവ്, ബിജു മലയിൽ, തിലകരാജൻ പി.ആർ. എന്നിവർ പ്രസംഗിച്ചു.