പത്തനംതിട്ട: ശബരിമല തീർത്ഥാടനവുമായി ബന്ധപ്പെട്ട് പത്തനംതിട്ട ജനറൽ ആശുപത്രിയിലെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിന് നടപടിവേണമെന്ന് ആൻ്റോ ആൻ്റണി എംപിയുടെ പ്രതിനിധി ഹോസ്പിറ്റൽ മാനേജ്മെൻ്റ് കമ്മിറ്റി അംഗം നഹാസ് പത്തനംതിട്ട യോഗത്തിൽ ആവശ്യപ്പെട്ടു. നിലവിലുള്ള ഒ പി ബ്ലോക്ക് പൊളിച്ച് പുതിയത് നിർമ്മിക്കുന്നതിന് നടപടി സ്വീകരിക്കുമ്പോൾ പൊതുജനങ്ങൾക്കും ശബരിമല തീർത്ഥാടകർക്കും യാതൊരുവിധ ബുദ്ധിമുട്ടും ഉണ്ടാകാതെ ആശുപത്രിയിൽ ഉള്ള സൗകര്യങ്ങൾ ഒരുക്കി പ്രയോജനപ്പെടുത്തുന്നതിനു പകരം യാതൊരു അടിസ്ഥാന സൗകര്യങ്ങളും നിലവിലില്ലാത്ത കോന്നി മെഡിക്കൽ കോളേജിൽ ശബരിമല തീർത്ഥാടകരെ അയക്കാനുള്ള മന്ത്രിയുടെ തീരുമാനം അംഗീകരിക്കാൻ കഴിയില്ലെന്നും അദ്ദേഹം യോഗത്തിൽ വ്യക്തമാക്കി.
ജില്ലയിലെ ഏക മാതൃ ബ്ലഡ് ബാങ്കാണ് പത്തനംതിട്ടയിലുള്ളത്. അടിയന്തിര സാഹചര്യങ്ങളിൽ രോഗികൾക്ക് ആശുപത്രിയിലെ ബ്ലഡ് ബാങ്കിൽ നിന്നും സൗജന്യമായി നൽകിയിരുന്ന രക്തത്തിന് പണം ഈടാക്കി കൊണ്ടിരിക്കുന്ന നടപടി അനുവദിക്കുകയില്ലെന്നും സാധാരണക്കാർക്ക് ബുദ്ധിമുട്ടുണ്ടാകാതിരിക്കുവാൻ അധികൃതർ മുൻകൈ എടുക്കണമെന്നും നഹാസ് പത്തനംതിട്ട ആവശ്യപ്പെട്ടു. നഗരത്തിലെ മറ്റ് വികസന പദ്ധതികൾ പോലെ ആശുപത്രിയിലെ ഒ പി ബ്ലോക്ക് നിർമ്മാണത്തിൽ കാലതാമസം ഉണ്ടാകുന്ന സാഹചര്യം ഉണ്ടായാൽ ശക്തമായ പ്രക്ഷോഭത്തിന് നേതൃത്വം നൽകുമെന്ന് നഗരസഭ പ്രതിപക്ഷ നേതാവ് കെ ജാസിംകുട്ടി അറിയിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
