പത്തനംതിട്ട: ജീവനക്കാരുടെ സ്പെഷ്യൽ റൂൾ നടപ്പിലാക്കുന്നതിനുള്ള നടപടികൾ ധ്രുത ഗതിയിൽ ആക്കണമെന്നും സർക്കാർ ജീവനക്കാരുടെ ശമ്പള പരിഷ്കരണം ഉടൻ നടപ്പിലാക്കണമെന്നും കേരള അഗ്രികൾച്ചർ മിനിസ്റ്റിരിയൽ സ്റ്റാഫ് ഫെഡറേഷൻ (കാംസഫ് ) പത്തനംതിട്ട ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു.
ഡെപ്യൂട്ടി സ്പീക്കര് ചിറ്റയം ഗോപകുമാർ സമ്മേളനം ഉദ്ഘാടനം ചെയ്തു. ജില്ലാ പ്രസിഡന്റ് സഖാവ് ഷമീറിന്റെ അധ്യക്ഷത വഹിച്ചു.
സമ്മേളനത്തിൽ ജോയിന്റ് കൗൺസിൽ സംസ്ഥാന വൈസ് ചെയർമാൻ ആർ. രമേശ്, ജില്ലാപ്രസിഡന്റ് ആർ മനോജ് കുമാർ, ജില്ലാ ജോയിന്റ് സെക്രട്ടറി കെ ശിവാനന്ദൻ, കാംസഫ് ജനറൽ സെക്രട്ടറി കെ ബി അനു, സംസ്ഥാന സെക്രട്ടറി എ കെ സുഭാഷ്, സംസ്ഥാന സെക്രട്ടറിയേറ്റ് അംഗങ്ങളായ ഷാജി ജേക്കബ്, മനോജ് എം പുതുശ്ശേരി എന്നിവർ പ്രസംഗിച്ചു. പുതിയ ഭാരവാഹികളായി ഷമീർ (പ്രസിഡന്റ് ), ജി. രാജേഷ്, കൃഷ്ണരാജ് ( വൈസ് പ്രസിഡന്റുമാർ) അനുജ സുഗതൻ (സെക്രട്ടറി), എ.ആര് ലേഖ മോൾ, അരുൺ വി (ജോയിൻ സെക്രട്ടറിമാർ), മഞ്ജു സുകുമാരൻ (ട്രഷറർ) എന്നിവരെ സമ്മേളനം തെരഞ്ഞെടുത്തു.
