ചെന്നൈ : തമിഴ്നാട്ടിലെ സേലത്ത് ഡോ. ബി.ആര്. അംബേദ്ക്കറിന്റെ പ്രതിമ അജ്ഞാതര് തകര്ത്തനിലയില്. ശനിയാഴ്ച രാത്രിയാണ് പ്രതിമ തകര്ത്തത്. ഞായറാഴ്ചച രാവിലെ അംബേദ്ക്കറിന്റെ പ്രതിമയുടെ ഒരു കൈ തകര്ത്ത നിലയിലായിരുന്നു. ഓമലൂര് നഗരത്തിലെ കമലാപുരം കോളനിയിലാണ് പ്രതിമ സ്ഥാപിച്ചിരുന്നത്. സംഭവത്തെ തുടര്ന്ന് പ്രദേശവാസികള് റോഡ് തടഞ്ഞ് പ്രതിഷേധം നടത്തി.
അക്രമികള്ക്കെതിരെ നടപടി സ്വീകരിക്കണമെന്നാണ് ആവശ്യം. പ്രദേശവാസികള് റോഡ് തടയല് സമരം നടത്തിയതിനെ തുടര്ന്ന് സേലം -ബംഗളൂരു ദേശീയപാതയില് ഗതാഗതം തടസപ്പെട്ടു. തുടര്ന്ന് ഒമലൂര് പോലീസെത്തി പ്രതിഷേധക്കാരുമായി സംസാരിച്ച് ഗതാഗതം പുനസ്ഥാപിച്ചു. സംഭവത്തില് പോലീസ് കേസ് രജിസ്റ്റര് ചെയ്തു. സി.സി.ടി.വി ദൃശ്യങ്ങള് പരിശോധിച്ചശേഷം നടപടിയെടുക്കുമെന്ന് പോലീസ് അറിയിച്ചു.
