മല്ലപ്പള്ളി: പടുതോട് പാലത്തിലും സമീപ പ്രദേശങ്ങളിലും തെരുവ് നായ ശല്യം രൂക്ഷമാകുന്നു. ഇവിടെ തെരുവ് നായ്ക്കൾ കൂട്ടമായി തമ്പടിക്കുന്നത് വിദ്യാർഥികൾക്കും മറ്റു യാത്രക്കാര്ക്കും ഭീഷണിയാകുന്നുണ്ട്. പാലത്തിനോട് ചേർന്ന് തണലുള്ളതിനാൽ ഇവിടെ നായ്ക്കൾ കൂട്ടമായി കിടക്കുന്നതിനാൽ സ്കൂൾ വിദ്യാർഥികളും യാത്രക്കാരും ഭിതിയോടെയാണ് ഇതു വഴി കടന്നുപോകുന്നത്. പാലത്തിന്റെ സമീപത്തെ തോട്ടിൽ ഭക്ഷണാവശിഷ്ടങ്ങൾ തള്ളുന്നതാണ് തെരുവ് നായ ശല്യം പ്രദേശത്ത് രൂക്ഷമാകാൻ കാരണമെന്ന് നാട്ടുകാർ പറയുന്നു.
