കൊച്ചി : തെരുവ് നായ്കള്ക്ക് മെഗാ വാക്സിനേഷന് ഡ്രൈവ് നടത്തി കൊച്ചി കോര്പറേഷന്. സന്നദ്ധ സംഘടനകളുടെ സഹായത്തോടെ എഴുപത്തിയഞ്ച് നായ്ക്കളെ പിടികൂടിയാണ് വാക്സിന് നല്കിയത്. ഫോര്ട്ട് കൊച്ചി ബീച്ചിലായിരുന്നു വാക്സിനേഷന് ഡ്രൈവ്. തെരുവ് നായ്കള് അധികമുള്ളഫോര്ട്ട് കൊച്ചി ബീച്ചില് ഇന്നലെ രാത്രി 9 മണിയോടെയായിരുന്നു മെഗാ വാക്സിനേഷന്. ആദ്യഘട്ടത്തില് 75 നായ്കള്ക്ക് വാക്സിന് നല്കി. മേയര് എം അനില്കുമാര് വാക്സിനേഷന് ഡ്രൈവ് ഉദ്ഘാടനം ചെയ്തു.
സന്നദ്ധ സംഘടനകളുടെ സഹായത്തോടെ വിവിധ ഇടങ്ങളില് നിന്ന് പിടികൂടിയ നായ്ക്കളില് വന്ധ്യംകരണം നടത്തിയിട്ടില്ലാത്തവയെ ശസ്ത്രക്രിയക്കായി ബ്രഹ്മപുരത്തെ എ ബി സി സെന്ററിലേക്ക് മാറ്റി. ഹെല്ത്ത് കമ്മിറ്റി ചെയര്മാന് ടി.കെ.അഷറഫിന്റെ നേതൃത്വത്തില് കോര്പ്പറേഷന്റെ വെറ്ററിനറി ഡോക്ടര്മാരും എ.ബി.സി. പദ്ധതിയിലെ മെഡിക്കല് ഓഫീസര്മാരും രാത്രി വൈകിയും വാക്സിനേഷനില് പ്രവര്ത്തനങ്ങളില് പങ്കാളികളായി. മെഗാ വാക്സിനേഷന് ക്യാമ്ബുകള് വരും ദിവസങ്ങളില് മറ്റിടങ്ങളിലേക്കും വ്യാപിപ്പിക്കാനാണ് കോര്പറേഷന് തീരുമാനം.
