കോന്നി : കോന്നിയില് തെരുവ് നായയുടെ ആക്രമണത്തില് പത്തിലധികം ആളുകള്ക്ക് പരുക്കേറ്റു. കലഞ്ഞൂര് മുതല് വകയാര് വരെയുള്ള ഭാഗത്താണ് പത്തിലധികം ആളുകള്ക്ക് തെരുവ് നായയുടെ കടിയേറ്റത്. കലഞ്ഞൂര് ഭാഗത്താണ് ആദ്യം തെരുവ് നായയുടെ ആക്രമണമുണ്ടാകുന്നത്. വഴിയാത്രക്കാരെയാണ് നായ ആക്രമിച്ചത്. പരുക്കേറ്റ വകയാര് സ്വദേശികളായ തോമസ് വര്ഗീസ്(69), ജിത്തു മിനി (21), കലഞ്ഞൂര് സ്വദേശി ജ്യോതികുമാര് (57), അനില് കുമാര് (59), വൈഗ (13), അജാസ് റഹ്മാന് (50), രാജന് നായര്, രാധ(62), സിദ്ധാര്ത്ഥ് വിനോദ് (21), ദേവൂട്ടി എന്നിവരെ പത്തനംതിട്ട ജനറല് ആശുപത്രിയില് പ്രവേശിപ്പിച്ചു. നായയ്ക്ക് പേവിഷബാധയുണ്ടെന്ന് സംശയിക്കുന്നതായി അധികൃതര് പറഞ്ഞു.
